Премьер-министрдің орынбасары – Ұлттық экономика министрі Серік Жұманғарин Сенат төрағасы Мәулен Әшімбаевтың АҚШ-тың шығындарды оңтайландыру жөніндегі тәжірибесіне сүйену туралы ұсынысына қатысты пікір білдірді, деп жазады Dalanews.kz.

Серік Жұманғарин биылғы бюджет шығыстары бастапқыда 32 трлн теңге деңгейінде болғанын, бірақ бұл көлем бюджетті бекіту кезеңінде 25,7 трлн теңгеге дейін қысқартылғанын еске салды.

"Бюджетті бекіту кезеңінде 6 трлнды "кестік", 400 млрд теңге үнемді  біз бюджеттік бағдарламалар әкімшілерінің ішінен "таптық" және қазір әлеуметтік блокты толық талдаумен айналысып жатырмыз, өйткені республикалық бюджет бойынша әлеуметтік шығыстар 37,5%, ал жергілікті бюджеттермен бірге есептегенде 50%-ды құрайды. Маған президент Трамптың әкімшілігіндегі Илон Маск жүргізіп жатқан, яғни шығындарды оңтайландыру жұмыстарын жүргізу туралы идеясымен  шыққандар болды. Біз қысқартуға мүлде қарсы емеспіз. Егер ол ақылға қонымды болса және қарапайым адамға зияны тимесе, оған біз дайынбыз", - деді ол.

Ол әлеуметтік бюджетті қоспағанда, басқа бюджеттерді қайта қарастыруды ұсынғанын айтты.

"Әлеуметтік бюджетті қысқарту өте қиын, өйткені бұл көп балалы аналар, балалар, қарттар, зейнеткерлер, біз әлеуметтік мемлекетпіз ғой. Мен бюджеттің басқа түрлерін қараңыз дедім", - деп сөзін түйіндеді бұл ретте ҰЭМ басшысы.  

Сондай-ақ Серік Жұманғарин ҚҚС өсімінен бюджетке түсетін түсімдер Қазақстандағы жалақы мен зейнетақыны индекстеуге жұмсалатын шығыстарды жабуға бағытталатынын айтты.

"Бұл индекстеу бюджетке 800 млрд теңге шығын әкеледі. Келіп түсетін сомамен салыстырғанда бұл өте жақсы цифр. Яғни, біз бұл соманы оңай еңсере аламыз.  Әртүрлі нұсқалар бойынша барлық қажетті есептер жүргізіліп қойды. Жалғыз нәрсе қалды, қазір Экономикалық зерттеулер институты туындауы ықтимал реакцияларды зерттеп жатыр, түсіндіңіз бе? Біз де бизнестің ашуына тигенді қалаймыз. Біз үшін жалпы жағдайды бағалау маңызды. Шағын, орта, ірі секторлар бойынша бизнес түрлеріне қатысты әсерді егжей-тегжей қарастыру қажет. Бұл шынымен де күні-түні дамылыссыз атқарылып жатқан үлкен жұмыс", - деді министр.

Жұманғарин Ұлттық экономика министрлігінің қызметкерлері 21 желтоқсаннан бастап демалыс күндерінсіз жұмыс істеп жатқанын нақтылады.  

Бұған дейін сайтымызда "Әшімбаев Илон Маскты мысалға алды". Сенат Бюджет кодексінің жобасын Мәжіліске кері қайтарды" деген матреиал жарияланған болатын.