Elimizdiń orta bilim oqý salasynda búgin bastalǵan jańa toqsannyń ereksheligi sabaqtardyń onlain jáne qashyqtyq rejiminde ótýi. Almaty qalasy himiia-biologiia baǵytyndaǵy Nazarbaev Ziiatkerlik mektep ustazdary Microsoft Team platformada alǵashqy sabaqtaryn ótkizdi. Oqý úrdisi qashyqtyqta ótkenimen, onlain synyptar ashylyp, balalarǵa taqyryptar, tapsyrmalar,oqý quraldary sapaly túrde berildi.
- Osy oqý jylynyń 4-toqsanyn oqý úderisiniń erekshe túri - qashyqtan oqytý ádisimen bastap otyrmyz. Bul ádis bilim berý baǵdarlamasynda kórsetilgen keshendi, ári tiimdi oqý tásili bolyp tabylady. Órkenietti elderdiń bárinde osy ádispen oqý úlgisi oryn alǵan. Endi mine, orta bilim beretin oqý ordasynda da osy keremet ádis keńinen qoldanyla bastady. Árine, bul qýantarlyq jaǵdai! Qazirgi ýaqytta álemde bolyp jatqan keleńsiz jaǵdailarǵa bailanysty ýaqytsha bolsa da engizilgen qashyqtan oqý júiesi oqýshylar úshin de, ustazdar men oqytýshylar qaýymyna da óte tiimdi, ári yńǵaily bolady dep oilaimyz. Ony sátti ótken jańa toqsannyń birinshi kúni kórsetip úlgerdi. Osy bailanysqa qol jetkizgen en aldymen IT salasyndaǵy qyzmetkerler men professorlyq-pedagogikalyq quram oqytýshylaryna, sonymen qatar ár toppen tikelei bailanysta otyrǵan kýratorlardyń orasan zor atqarǵan isterine, olardyń jyldam, ári júieli túrde jumys jasaǵandary úshin alǵysymyz sheksiz! Sizderge tek qyzmette órleý jáne sáttilik tileimiz! Shákirtterińiz árqashan sizder men bizderdi qýantyp, biik belesterden kórine bersin! ,- dep 11 V synyp oqýshysy Gúlzat Ziiatbekovanyń ata-anasy óz tilekterin bildirdi.
- Maǵan jańa formatta ótken onlain-sabaq óte unady. Óte jinaqy túrde ótti. Taǵy aita ketý kerek, prezentatsiialar, taǵy basqa qoldanylǵan qujattar faildarda saqtalady. Bul óte yńǵaily, sabaqty qaitalaǵanda jaqsy kómek beretini sózsiz. Jáne sabaqtyń tolyq jazylymyn kerek ýaqytta ashyp kóre alasyń,- dep 8 synyp oqýshysy Nurqasym Hafiz ózi úshin onlain oqýdyń tiimdiligin bildirdi.
Orys tili muǵalimi Aigýl Amitova onlain-synybynda ótken sabaǵynda ýaqyt tiimdi paidalanǵanyn aita ketti. – Oqýshylar aldyn ala salynǵan qujattar boiynsha sabaq taqyrybyn ózderi tańdap, beinebaiandy kórip, toptar boiynsha talqylap úlgerdi. Ziiatkerlerimiz qashyqtyqtaǵy formatty birden ala ketkenin aita ketý kerek.
