ەلىمىزدىڭ ورتا ءبىلىم وقۋ سالاسىندا بۇگىن باستالعان جاڭا توقساننىڭ ەرەكشەلىگى ساباقتاردىڭ ونلاين جانە قاشىقتىق رەجيمىندە ءوتۋى. الماتى قالاسى حيميا-بيولوگيا باعىتىنداعى نازاربايەۆ زياتكەرلىك مەكتەپ ۇستازدارى Microsoft Team پلاتفورمادا العاشقى ساباقتارىن وتكىزدى. وقۋ ءۇردىسى قاشىقتىقتا وتكەنىمەن، ونلاين سىنىپتار اشىلىپ، بالالارعا تاقىرىپتار، تاپسىرمالار،وقۋ قۇرالدارى ساپالى تۇردە بەرىلدى.
اتا-انالار، وقۋشىلار بەرگەن كەرى بايلانىستارىندا زياتكەرلىك مەكتەپتە قاشىقتىق وقىتۋدىڭ جاقسى ۇيىمداستىرىلعانى، ۇستازداردىڭ بارىنشا ونلاين مۇمكىندىكتەرىن پايدالانىپ، باعدارلامانى جەتكىزگەندەرى تۋرالى ءوز پىكىرلەرىن ءبىلدىرىپ جاتىر.
- وسى وقۋ جىلىنىڭ 4-توقسانىن وقۋ ۇدەرىسىنىڭ ەرەكشە ءتۇرى - قاشىقتان وقىتۋ ادىسىمەن باستاپ وتىرمىز. بۇل ءادىس ءبىلىم بەرۋ باعدارلاماسىندا كورسەتىلگەن كەشەندى، ءارى ءتيىمدى وقۋ ءتاسىلى بولىپ تابىلادى. وركەنيەتتى ەلدەردىڭ بارىندە وسى ادىسپەن وقۋ ۇلگىسى ورىن العان. ەندى مىنە، ورتا ءبىلىم بەرەتىن وقۋ ورداسىندا دا وسى كەرەمەت ءادىس كەڭىنەن قولدانىلا باستادى. ارينە، بۇل قۋانتارلىق جاعداي! قازىرگى ۋاقىتتا الەمدە بولىپ جاتقان كەلەڭسىز جاعدايلارعا بايلانىستى ۋاقىتشا بولسا دا ەنگىزىلگەن قاشىقتان وقۋ جۇيەسى وقۋشىلار ءۇشىن دە، ۇستازدار مەن وقىتۋشىلار قاۋىمىنا دا وتە ءتيىمدى، ءارى ىڭعايلى بولادى دەپ ويلايمىز. ونى ءساتتى وتكەن جاڭا توقساننىڭ ءبىرىنشى كۇنى كورسەتىپ ۇلگەردى. وسى بايلانىسقا قول جەتكىزگەن ەن الدىمەن IT سالاسىنداعى قىزمەتكەرلەر مەن پروفەسسورلىق-پەداگوگيكالىق قۇرام وقىتۋشىلارىنا، سونىمەن قاتار ءار توپپەن تىكەلەي بايلانىستا وتىرعان كۋراتورلاردىڭ وراسان زور اتقارعان ىستەرىنە، ولاردىڭ جىلدام، ءارى جۇيەلى تۇردە جۇمىس جاساعاندارى ءۇشىن العىسىمىز شەكسىز! سىزدەرگە تەك قىزمەتتە ورلەۋ جانە ساتتىلىك تىلەيمىز! شاكىرتتەرىڭىز ءارقاشان سىزدەر مەن بىزدەردى قۋانتىپ، بيىك بەلەستەردەن كورىنە بەرسىن! ،- دەپ 11 ۆ سىنىپ وقۋشىسى گۇلزات زياتبەكوۆانىڭ اتا-اناسى ءوز تىلەكتەرىن ءبىلدىردى.
- ماعان جاڭا فورماتتا وتكەن ونلاين-ساباق وتە ۇنادى. وتە جيناقى تۇردە ءوتتى. تاعى ايتا كەتۋ كەرەك، پرەزەنتاسيالار، تاعى باسقا قولدانىلعان قۇجاتتار فايلداردا ساقتالادى. بۇل وتە ىڭعايلى، ساباقتى قايتالاعاندا جاقسى كومەك بەرەتىنى ءسوزسىز. جانە ساباقتىڭ تولىق جازىلىمىن كەرەك ۋاقىتتا اشىپ كورە الاسىڭ،- دەپ 8 سىنىپ وقۋشىسى نۇرقاسىم حافيز ءوزى ءۇشىن ونلاين وقۋدىڭ تيىمدىلىگىن ءبىلدىردى.
ورىس ءتىلى ءمۇعالىمى ايگۋل اميتوۆا ونلاين-سىنىبىندا وتكەن ساباعىندا ۋاقىت ءتيىمدى پايدالانعانىن ايتا كەتتى. – وقۋشىلار الدىن الا سالىنعان قۇجاتتار بويىنشا ساباق تاقىرىبىن وزدەرى تاڭداپ، بەينەباياندى كورىپ، توپتار بويىنشا تالقىلاپ ۇلگەردى. زياتكەرلەرىمىز قاشىقتىقتاعى فورماتتى بىردەن الا كەتكەنىن ايتا كەتۋ كەرەك.
