«Əziret Sultan» memlekettik tarihi-mádeni qoryq-mýzeiiniń quramyna dini-rýhani eskertkish retinde alynǵan, jalpy kólemi - 90 gektar jerdi qamtityn Úkasha ata kesenesi men qudyǵyna barar jolǵa biylǵy jyly asfalt jol tóselip, abattandyrý jumystary jandandy.
Ziiaratshylarǵa arnap arnaiy demalatyn bastyrmalar men oryndyqtar ornatylyp, avtoturaq pen alań jáne ájethanalar retke keltirildi.
«Áziret Sultan» qoryq-mýzeiine qarasty 98 dini-rýhani oryndar men eskertkishter bar. Olardyń árqaisysynyń óz tarihy men ańyz-áńgimeleri jeterlik.
Týrizm salasyn damytyp-kelýshilerdiń yntasyn arttyrý tek ańyz-áńgimelerdi ǵana nasihattaý emes, tarihi oryndardyń kórki men kelbetin jaqsartý, halyqqa jaily jaǵdai jasaý.
"Osy maqsatta-Úkasha ata kesenesi men qudyǵy aimaǵynda qýatty elektr júiesin tartý, aýyz sýǵa arnalǵan qudyq qazý, abattandyrý syndy kóptegen máseleler «Áziret Sultan» qoryq- mýzeiiniń negizgi kún tártibinde tur. Arnaiy qubyrlar tartý arqyly aǵyn sý júrgizip kórkeitý, kógaldandyrý jumystary qarastyrylýda. Munyń bári kelýshilerge, iaǵni týristerge sapaly qyzmet kórsetý úshin iske asyrylýy tiis sharýalar», - deidi «Áziret Sultan» memlekettik tarihi-mádeni qoryq-mýzeiiniń direktory Nurbolat Ahmetjanov.
Buǵan deiin, ziiaratshylar men saiahatshylardyń keseneden 2 shaqyrymǵa jýyq jerdegi Úkasha ata qudyǵyna qatynaýy ájepteýir áýre-sarsańǵa salatyn.
Sebebi, qos aranyń qashyqtyǵy jazdykúngi ystyqta, kóktem- kúz ailaryndaǵy lai-batpaqta jaiaý adam túgili kóliktegi kisini de qajytatyn.
Mekkedegi zám-zám sýynyń qasietimen birdei sanalatyn qyr basyndaǵy qudyqqa aǵylǵan jurtshylyq jýyrda ǵana tóselgen jańa jol men abattandyrý isterine alǵystaryn bildirýde.
