Úkimet otyrysynda eńbek jáne halyqty áleýmettik qorǵaý ministri Asqarbek Ertaev Memleket basshysynyń tapsyrmasyna sáikes eńbek táýekelderiniń aldyn alýǵa baǵyttalǵan proaktivti baqylaý júiesi engizilip jatqanyn aitty, dep habarlaidy dalanews.kz.
Onyń sózinshe, júie memlekettik aqparattyq resýrstardyń derekterine súiene otyryp, kásiporyndardy eńbek zańnamasyn buzý qaýpi týraly aldyn ala habardar etýge múmkindik beredi.
«Atalǵan sharalardy júzege asyrý nátijeleri boiynsha jyl sońyna deiin jumyskerlerdi jazataiym oqiǵalardan mindetti saqtandyrýmen qamtylǵan uiymdar sanyn 130 myńǵa deiin jetkizý, 1 000 jumyskerge shaqqanda ólimmen aiaqtalatyn jazataiym oqiǵalardyń jiilik koeffitsientin 0,31-ge deiin tómendetý mindeti qoiylyp otyr», – dedi Ertaev.
Ministrdiń aitýynsha, bul sharalar kásiptik táýekelderdi baǵalaý men monitoring júrgizýdiń tsifrlyq quraldaryn jetildirýge, sondai-aq jumyskerlerdiń quqyqtaryn qorǵaýǵa jáne ádil eńbek jaǵdailaryn qamtamasyz etýge baǵyttalǵan.
Óz kezeginde tótenshe jaǵdailar ministri Shyńǵys Árinov ónerkásiptik qaýipsizdik salasynda qabyldanǵan sharalardyń nátijesin aitty. Onyń málimetinshe, óndiristik baqylaý kúsheitilip, avariialyq-qutqarý qyzmetterine qoiylatyn talaptar qatańdatylǵan. Sonymen qatar kásiporyndar úshin tozǵan jabdyqtardy ýaqytyly jańartý josparyn kelisý mindeti engizilgen.
«Qazir elimizdiń qaýipti óndiristik oryndardaǵy adam ólimi 2,5 esege, jaraqat alý 25%-ǵa azaidy», – dedi Árinov.
Ministr sondai-aq Qazaqstanda jasandy intellekt elementteri engizilgen «e-TJM» biryńǵai tsifrlyq platformasy ázirlenip jatqanyn habarlady. Onyń aitýynsha, júie qaýipti óndiristik nysandardy esepke alyp, óndiristegi apattar men jaraqattaný boiynsha derekter bankin qalyptastyrady jáne yqtimal táýekelderdi aldyn ala boljaýǵa múmkindik beredi.
«Ótken jyly Memleket basshysynyń tapsyrmasy boiynsha 55 shahta men ken orny tekserildi. Onyń ishindegi 45 obektide jańa qaýipsizdik júieleri ornatyldy. Búgingi tańda 14 shahta men ken ornyndaǵy beinebaqylaý jáne pozitsiialaý júieleri Ministrliktiń Daǵdarys ortalyǵyna qosylǵan, bul jaǵdaidy baqylap, jedel den qoiýdy onlain rejiminde júzege asyrý múmkindik beredi», – dedi TJM basshysy.
Onyń málimetinshe, tsifrlyq baqylaý júielerin engizý óndiristegi apattardyń aldyn alýǵa jáne jumysshylardyń qaýipsizdigin arttyrýǵa múmkindik beredi.
