Premer-ministr Oljas Bektenov «QazAvtoJol» basqarma tóraǵasy Darhan Imanashevtiń jol qaýipsizdigi jónindegi esebin tyńdap, joldardyń sapasyna qatysty birqatar máseleni kóterdi, dep habarlaidy dalanews.kz.
«Baiandama jaqsy. Alaida sheshimin tappai otyrǵan kóptegen problemalyq másele bar. Prezident atap ótken barlyq kemshilik sizderdiń jumystaryńyzǵa da tikelei qatysty. Sondyqtan jol sapasyn jaqsartý qajet. Jumys isteńizder, áitpese bul másele boiynsha basqa adamdar jumys isteidi», – dedi Oljas Bektenov.
Úkimet otyrysynda Darhan Imanashev jyl basynan bergi segiz aida respýblikalyq mańyzy bar joldardaǵy jol-kólik oqiǵalarynyń sany ótken jyldyń sáikes kezeńimen salystyrǵanda 10%-ǵa tómendegenin aitty. Osy kezeńde 2062 jol-kólik oqiǵasy tirkelgen.
Sonymen qatar respýblikalyq joldardaǵy kólik qozǵalysynyń qarqyndylyǵy 30%-ǵa artqan. «QazAvtoJol» basshysy joldardyń birinshi jáne ekinshi sanattarynyń uzyndyǵy ulǵaiǵanyn, beinemonitoring júieleri men joldardyń injenerlik jabdyqtalýy kúsheitilip jatqanyn baiandady.
Premer-ministr jol sapasyna qatysty másele buǵan deiin de kóterilgenin atap ótti. Úkimettiń resmi málimetinshe, respýblikalyq mańyzy bar joldardyń 94%-y normativtik talaptarǵa sáikes keledi, al oblystyq jáne aýdandyq joldar boiynsha bul kórsetkish 91%-dy quraidy.
Bektenov jol qurylysy men jóndeý jumystarynyń sapasyn arttyrý qajettigin aityp, «QazAvtoJol» basshylyǵyna anyqtalǵan kemshilikterdi sheshýdi tapsyrdy.
