Áleýmettik jelilerge júrgizilgen monitoring barysynda júrgizýshiniń jol qozǵalysy erejesin buzǵany beinelengen beinerolik anyqtaldy, dep habarlaidy dalanews.kz.
Tekserý nátijesinde 38 jastaǵy júrgizýshiniń avtokólikti qaýipsizdik beldigin taqpaǵan kúide basqarǵany jáne kólik júrgizý kezinde telefon paidalanǵany belgili boldy. Sonymen qatar kóliktegi jolaýshylardyń da qaýipsizdik beldigin taqpaǵany anyqtaldy.
Patrýldik politsiia batalony qyzmetkerleri júrgizýshiniń jeke basyn anyqtap, anyqtalǵan quqyq buzýshylyqtar boiynsha oǵan qatysty Qazaqstan Respýblikasynyń Ákimshilik quqyq buzýshylyq týraly kodeksine sáikes ákimshilik hattamalar toltyrdy. Sondai-aq qaýipsizdik beldigin taqpaǵan jolaýshylarǵa qatysty da tiisti ákimshilik sharalar qabyldandy.
Politsiia barsha azamatty jol qozǵalysy erejelerin qatań saqtaýǵa, kólik júrgizý kezinde qaýipsizdik beldigin taǵýǵa jáne telefondy paidalanbaýǵa shaqyrady.
