IIM "Qaýipsiz jol" respýblikalyq jedel profilaktikalyq is-sharasyn ótkizip jatyr. Jaz qarsańynda politsiia jol apattarynyń aldyn alý jáne qala men tasjoldardaǵy tártipti kúsheitý úshin aýqymdy reidter uiymdastyrǵan, dep habarlaidy dalanews.kz.
Negizgi nazar eń qaýipti quqyqbuzýshylyqtarǵa aýdarylǵan. Iaǵni mas kúide kólik júrgizý, qarsy jolaqqa shyǵý, jyldamdyqty asyrý, rólde telefon paidalaný jáne jolaýshy tasymaldaý erejelerin buzý derekteri baqylaýǵa alynǵan.
Reid barysynda politseiler 40 myńnan asa jol erejesin buzý deregin anyqtaǵan. Olardyń ishinde 500-den asa júrgizýshi mas kúide kólik basqarǵany úshin ustalǵan. Taǵy 400-ge jýyq jaǵdaida qarsy jolaqqa shyǵý deregi tirkelgen.
Sonymen qatar, 6 myńnan asa júrgizýshi kólik tizgininde telefon qoldanǵan. Al 4 myńnan asa kólik mindetti tehnikalyq tekserissiz júrgeni belgili boldy.
Qazirdiń ózinde 2,6 myńnan asa kólik aiypturaǵyna qoiylǵan.
