Armeniia premer-ministri Nikol Pashinian sailaýshylarmen kezdesý kezinde burynǵy Qarabaq elitasy men separatizm jaqtastaryna qatysty óte qatań málimdeme jasady, dep habarlaidy dalanews.kz.
Pashinian óz sózinde Qarabaqtaǵy burynǵy saiasi top ókilderin elden qashyp ketti dep aiyptady.
«Ái, sender, dezertirler! Sender munda ne istep júrsińder? Búgin qarasań, osynda qashyp kelip alyp, taǵy saýsaq shoshaityp tur. Myna Qarabaqtyń jalǵan elitasy... joǵalyńdar bul jerden», – dedi Armeniia premeri.
Pashinian Qarabaqtaǵy soǵys kezinde qaza tapqandar máselesin kóterip júrgen saiasatkerlerdi de synǵa aldy.
«Eger “Qarabaq máselesin” qaita-qaita aitatyn bolsańdar, nege ózderiń baryp soǵyspadyńdar? Nege tiri júrsińder? Sen nege tirisiń? Qaza tapqan 5000 adam týraly aitatyndai sen kimsiń?» – dedi ol.
Sonymen qatar premer Artsahtyń burynǵy prezidenti Samvel Shahramanian men burynǵy «parlament» depýtattaryn da atap ótti.
«Gahramanian nege tiri? Senderdiń “ulttyq jinalystaryńnyń” depýtattary nege tiri qaldy? Eger 5000 adam qaza tapty dep aityp júrseńder, nege ózderiń jan tapsyrmadyńdar?» – dedi Pashinian.
Armeniia premeri el aýmaǵynda Qarabaqtyń qandai da bir memlekettik qurylymdarynyń bar ekeni týraly pikirlerdi de joqqa shyǵardy.
«Eshkim maǵan Armeniiada Qarabaqtyń ulttyq jinalysy bar nemese Qarabaq úkimeti bar dep aitpasyn. Barlyǵyńdy túbimen joiamyn», – dedi ol.
Pashinian sóz sońynda burynǵy Qarabaq elitasyn soǵys kezinde elden qashyp ketti dep taǵy aiyptady.
«Kúresetin kúni barýlaryń kerek edi. Mine, mynaý – qashqyndardyń biri. Munda kelip, saýsaq shoshaityp sóileýge batyldaryń jetpesin», – dedi Armeniia premer-ministri.
