Reseidiń Týva Respýblikasynda bir aptaǵa jýyq ýaqyt buryn joǵalyp ketken 12 jáne 13 jastaǵy eki mektep oqýshysyn izdeý jumystary áli de toqtaǵan joq. Tergeý barysynda jańa boljam paida bolyp, politsiia Qyzyl qalasyndaǵy birneshe jeke turǵyn úidi jiti tekserdi, dep habarlaidy dalanews.kz.
Jergilikti turǵyndardyń aitýynsha, joǵalǵan qyzdar kúdik týdyrǵan úilerdiń birinde bolýy múmkin degen aqparat taraǵan. Osydan keiin birneshe adam atalǵan úilerdiń mańyna jinalyp, óz betinshe izdeý júrgizýge árekettengen. Alaida quqyq qorǵaý organdary jaǵdaidy baqylaýǵa alyp, tekserý jumystaryn ózderi júrgizdi.
Kýágerlerdiń málimetinshe, kúdikke ilingen úilerdiń keibirinde birneshe deńgeili jertóleler bar. Sol sebepti politsiia qyzmetkerleri eriktilermen birge barlyq bólmeni, jertóleni, aýlany jáne basqa da jasyrynýy múmkin oryndardy muqiiat qarap shyqqan.
Tekserý qorytyndysynda joǵalǵan qyzdardyń bul úilerde bolǵanyn rastaityn eshqandai aiǵaq tabylǵan joq.
Eske salsaq, Ailana men Amina 1 shilde kúni keshki ýaqytta serýendeýge shyǵyp, sodan beri habar-osharsyz ketken. Týystarynyń aitýynsha, ekeýi de tárbieli otbasynda ósken, mektepte jaqsy oqyǵan jáne buryn eshqashan úiden eskertýsiz ketpegen.
Aminanyń anasy qyzynyń ózen jaǵasyna óz erkimen barýy ekitalai ekenin aitady. Onyń sózinshe, qyzy júze bilmegen.
Tergeý úshin mańyzdy aiǵaqtardyń biri – Enisei ózeniniń jaǵasynan tabylǵan eki qyzdyń uialy telefondary boldy. Quqyq qorǵaý organdarynyń málimetinshe, telefondar uqypty qoiylǵan kúide tabylǵan ári olardyń qýaty taýsylmaǵanyna qaramastan óshirilgen. Sondai-aq qurylǵylar politsiia birneshe ret habarlasyp, qońyraý shalǵannan keiin ǵana sóngeni belgili bolǵan.
Qyzdardyń joǵalýyna bailanysty Resei Qylmystyq kodeksiniń "Adam óltirý" baby boiynsha qylmystyq is qozǵaldy. Qazirgi ýaqytta tergeýshiler oqiǵanyń barlyq yqtimal nusqasyn jan-jaqty tekserip jatyr.
Izdeý jumystaryna myńǵa jýyq erikti, politsiia qyzmetkerleri, tergeýshiler men qutqarýshylar jumyldyrylǵan. Mamandar aptap ystyq pen kúrdeli jer bederine qaramastan Enisei ózeniniń jaǵalaýyn, araldardy jáne orman alqaptaryn táýlik boiy tekserýdi jalǵastyrýda. Osy ýaqytqa deiin ondaǵan aral zerttelgenimen, joǵalǵan eki oqýshynyń naqty izi ázirge tabylǵan joq.
