رەسەيدٸڭ تۋۆا رەسپۋبليكاسىندا بٸر اپتاعا جۋىق ۋاقىت بۇرىن جوعالىپ كەتكەن 12 جەنە 13 جاستاعى ەكٸ مەكتەپ وقۋشىسىن ٸزدەۋ جۇمىستارى ەلٸ دە توقتاعان جوق. تەرگەۋ بارىسىندا جاڭا بولجام پايدا بولىپ, پوليتسييا قىزىل قالاسىنداعى بٸرنەشە جەكە تۇرعىن ٷيدٸ جٸتٸ تەكسەردٸ, دەپ حابارلايدى dalanews.kz.
جەرگٸلٸكتٸ تۇرعىنداردىڭ ايتۋىنشا, جوعالعان قىزدار كٷدٸك تۋدىرعان ٷيلەردٸڭ بٸرٸندە بولۋى مٷمكٸن دەگەن اقپارات تاراعان. وسىدان كەيٸن بٸرنەشە ادام اتالعان ٷيلەردٸڭ ماڭىنا جينالىپ, ٶز بەتٸنشە ٸزدەۋ جٷرگٸزۋگە ەرەكەتتەنگەن. الايدا قۇقىق قورعاۋ ورگاندارى جاعدايدى باقىلاۋعا الىپ, تەكسەرۋ جۇمىستارىن ٶزدەرٸ جٷرگٸزدٸ.
كۋەگەرلەردٸڭ مەلٸمەتٸنشە, كٷدٸككە ٸلٸنگەن ٷيلەردٸڭ كەيبٸرٸندە بٸرنەشە دەڭگەيلٸ جەرتٶلەلەر بار. سول سەبەپتٸ پوليتسييا قىزمەتكەرلەرٸ ەرٸكتٸلەرمەن بٸرگە بارلىق بٶلمەنٸ, جەرتٶلەنٸ, اۋلانى جەنە باسقا دا جاسىرىنۋى مٷمكٸن ورىنداردى مۇقييات قاراپ شىققان.
تەكسەرۋ قورىتىندىسىندا جوعالعان قىزداردىڭ بۇل ٷيلەردە بولعانىن راستايتىن ەشقانداي ايعاق تابىلعان جوق.
ەسكە سالساق, ايلانا مەن امينا 1 شٸلدە كٷنٸ كەشكٸ ۋاقىتتا سەرۋەندەۋگە شىعىپ, سودان بەرٸ حابار-وشارسىز كەتكەن. تۋىستارىنىڭ ايتۋىنشا, ەكەۋٸ دە تەربيەلٸ وتباسىندا ٶسكەن, مەكتەپتە جاقسى وقىعان جەنە بۇرىن ەشقاشان ٷيدەن ەسكەرتۋسٸز كەتپەگەن.
امينانىڭ اناسى قىزىنىڭ ٶزەن جاعاسىنا ٶز ەركٸمەن بارۋى ەكٸتالاي ەكەنٸن ايتادى. ونىڭ سٶزٸنشە, قىزى جٷزە بٸلمەگەن.
تەرگەۋ ٷشٸن ماڭىزدى ايعاقتاردىڭ بٸرٸ – ەنيسەي ٶزەنٸنٸڭ جاعاسىنان تابىلعان ەكٸ قىزدىڭ ۇيالى تەلەفوندارى بولدى. قۇقىق قورعاۋ ورگاندارىنىڭ مەلٸمەتٸنشە, تەلەفوندار ۇقىپتى قويىلعان كٷيدە تابىلعان ەرٸ ولاردىڭ قۋاتى تاۋسىلماعانىنا قاراماستان ٶشٸرٸلگەن. سونداي-اق قۇرىلعىلار پوليتسييا بٸرنەشە رەت حابارلاسىپ, قوڭىراۋ شالعاننان كەيٸن عانا سٶنگەنٸ بەلگٸلٸ بولعان.
قىزداردىڭ جوعالۋىنا بايلانىستى رەسەي قىلمىستىق كودەكسٸنٸڭ "ادام ٶلتٸرۋ" بابى بويىنشا قىلمىستىق ٸس قوزعالدى. قازٸرگٸ ۋاقىتتا تەرگەۋشٸلەر وقيعانىڭ بارلىق ىقتيمال نۇسقاسىن جان-جاقتى تەكسەرٸپ جاتىر.
ٸزدەۋ جۇمىستارىنا مىڭعا جۋىق ەرٸكتٸ, پوليتسييا قىزمەتكەرلەرٸ, تەرگەۋشٸلەر مەن قۇتقارۋشىلار جۇمىلدىرىلعان. ماماندار اپتاپ ىستىق پەن كٷردەلٸ جەر بەدەرٸنە قاراماستان ەنيسەي ٶزەنٸنٸڭ جاعالاۋىن, ارالداردى جەنە ورمان القاپتارىن تەۋلٸك بويى تەكسەرۋدٸ جالعاستىرۋدا. وسى ۋاقىتقا دەيٸن ونداعان ارال زەرتتەلگەنٸمەن, جوعالعان ەكٸ وقۋشىنىڭ ناقتى ٸزٸ ەزٸرگە تابىلعان جوق.
