– Búgingi shara elimizdiń, sonyń ishinde oblysymyzdyń týristik áleýetin arttyrýǵa, infraqurylymyn damytýǵa óziniń zor yqpalyn tigizedi dep oilaimyn. Memleket basshysy jaqynda jariialanǵan Joldaýynda syrttan keletin jáne ishki týrizmdi damytýǵa erekshe kóńil bólýdi jáne salalyq memlekettik baǵdarlama qabyldaýdy tapsyrǵan bolatyn. Osy rette memlekettik baǵdarlama jobasyna Alakól kóliniń jaǵalaýy, Ile Alataýynyń taý klasteri, Sharyn shatqaly siiaqty oblystyń iri týristik rekreatsiialyq aýmaqtaryn damytý baǵytyndaǵy usynystar engizilip, josparlary ázirlenip jatyr, – dep atap ótti. Sózin qorytyndylai kele, osy forým qyzyqty kezdesý, mazmundy pikir almasý túrinde órbip, perspektivaly ideialar men bastamalardyń týyndaýyna yqpal etetin aitýly shara bolatyndyǵyna senim bildirdi.
Munan soń Qytai Halyq Respýblikasy Mádeniet jáne týrizm ministrliginiń Orta Aziiadaǵy ókili Van Shýlin atalmysh sharaǵa shaqyrǵan uiymdastyrýshylarǵa rizashylyǵyn bildirip, Qazaqstan-Qytai arasyndaǵy mádeni-týristik bailanystardy nyǵaitý jaiyna toqtaldy.
Óz kezeginde Qazaqstan Týristik qaýymdastyǵynyń atqarýshy direktory, Qazaqstandyq qonaqúiler men meiramhanalar qaýymdastyǵynyń prezidenti Rashida Shaikenova otandyq týrizmniń aldynda turǵan birneshe máseleni atap berdi. «Halyqaralyq týrizm naryǵynda básekege qabiletti bolý úshin biz eń aldymen, bul salada bai tarihymyzdy, iaǵni Uly túrik órkenietin, mádenietimiz ben saltymyzdy pash ete bilýimiz kerek», – dedi R.Shaikenova. Sonymen qatar bilikti kadrlar daiarlaý, týristik nysandardy tsifrlandyrýǵa jete mán berýdi de aldyńǵy qatardaǵy máselelerge jatqyzdy. Onyń aitýynsha, búgingi kúni otandyq týristik nysandardyń tek 17% ǵana óz qyzmetterin jarnamalaý men satý kanaly retinde internet pen áleýmettik jelini paidalanyp otyr. Iaǵni tsifrlandyrýǵa kirisý týrizmdi damytýdyń negizgi baǵyttarynyń biri bolýy tiis.
Forýmnyń plenarlyq otyrysynan keiin shara paneldik sessiialarmen jalǵasýda. Onda týristik uiymdar men sala mamandary «Týristik ónimderdi ilgeriletý quraldary», «Týristik ónimdi tsifrlandyrý: kommýnikatsiialar» taqyryptaryn talqylap jatyr.
Jalpy, Almaty oblysyna keletin týrister legi jyl saiyn 20-30% ósýde. Biylǵy jyly Jetisý óńirine taban tireitin týrister sany 2 millionǵa jetedi dep kútilip otyr. Bul – ótken jylmen salystyrǵanda 31,3% ósim bolady degen sóz. 2018 jyldyń qorytyndysy boiynsha kórsetilgen týristik qyzmet 10,0 mlrd teńge shamasynda bolmaq. Sońǵy úsh jylda týristik infraqurylymdy damytýǵa 15,7 mlrd teńge memlekettik investitsiia baǵyttalǵan. Sonymen qatar jalpy quny 15,6 mlrd teńge jeke investitsiiaǵa salynǵan 102 týristerdi ornalastyrý nysany paidalanýǵa berilgen.
