Jezqazǵanda úilený toiyna baǵyt alǵan kólikter kolonnasy jol qozǵalysy erejelerin óreskel buzǵany úshin jaýapqa tartyldy. Nátijesinde alty adam ákimshilik jaýapkershilikke tartylyp, eki avtokólik aiyp turaǵyna qoiyldy, dep habarlaidy dalanews.kz.
Politsiia málimetinshe, quqyq buzýshylyq 8 tamyz kúni Saryarqa kóshesindegi beinebaqylaý kameralary arqyly tirkelgen. Tekserý barysynda avtokortejdiń úilený toiyna bara jatqandyǵy anyqtalǵan.
Jolda kele jatqan kezde keibir jolaýshylar kólik terezelerinen denesin shyǵaryp otyrǵan. Sonymen qatar júrgizýshilerdiń biri róldi kólik basqarý quqyǵy joq adamǵa bergen.
Budan bólek, politsiia qyzmetkerleri qarsy baǵyttaǵy jolaqqa shyǵý deregin de tirkegen.
Quqyq qorǵaý organdary mundai áreketter jol qozǵalysyna qatysýshylardyń ómiri men densaýlyǵyna qaýip tóndiretinin atap ótip, júrgizýshilerdi jol erejelerin qatań saqtaýǵa shaqyrdy. Ereje buzýshylarǵa qatysty zańnamaǵa sáikes sharalar qabyldandy.
