Jýrnalist Janat Moldashova Atyraýda ótip jatqan sot protsesinen taǵy bir derek keltirdi, dep habarlaidy dalanews.kz.
Onyń aitýynsha, Sultan Sársemálievten jezdesi qarasha aiynda qaryzǵa aqsha suraǵan. Jýrnalist bul jaitqa qatysty sotta tolyq mán berilmegenin aitady.
"Jezdesi qarasha aiynda Sársemálievten 150 myń teńge qaryzǵa aqsha alǵan. Ol aqshany SMS arqyly jazyp suraǵan. Biraq memlekettik aiyptaýshy bul SMS dálelin kýágerden suramady. Turaqty jumysy joq adamnan qalai aqsha suraǵan?" – dedi Janat Moldashova.
Sondai-aq jýrnalist sol kezeńde Aqbaiannyń bank kartasy kimniń qolynda bolǵany da naqty anyqtalýy tiis ekenin jetkizdi.
Bul derek áleýmettik jelide talqylanyp, atyshýly iske qatysty jańa suraqtardyń týyndaýyna sebep boldy.
