QMA Qostanai oblysy boiynsha departamenti zańsyz mikroqarjylyq qyzmet faktisi boiynsha sotqa deiingi tergep-tekserýdi júrgizýde, dep habarlaidy Dalanews.kz.
Kúdikti alty jyl boiy tiisti litsenziiasyz, «OLX» jáne «Instagram» mobildi qosymshalary arqyly paiyzymen qaryz berýmen ainalysqan.
Zańsyz áreketter zańdy túrinde kórsetilip, onda naqty berilgen somadan áldeqaida joǵary sandar kórsetilgen. Óitkeni oǵan jyldyq 100%-ǵa deiin aldyn ala eseptelgen syiaqylar engizilgen.
Qaryzdyń qaitarylýyn qamtamasyz etý maqsatynda qaryz alýshylardyń múlki kepildikke qoiylǵan.
Atalǵan shema boiynsha kúdikti jalpy somasy 556 mln teńgeden asatyn 72 mámile jasaǵan.
Solardyń biri – Rýdnyi qalasynyń zeinetkerimen jasalǵan kelisim. Ol kúdiktiden emdelýge qajet dep 13,2 mln teńge kóleminde qaryz alǵany týraly kelisimge otyrǵan. Kelisim sharttaryna sáikes, zeinetker eki jyl boiy ai saiyn 600 myń teńgeden tóleýge mindettelgen.
Alaida, is júzinde ol qolyna tek 6 mln teńge ǵana alǵan, al qalǵan 7,2 mln teńge aldyn ala eseptelgen paiyz retinde kórsetilgen. Qaryzdy qamtamasyz etý úshin ol óziniń jalǵyz páterin kepildikke qoiýǵa májbúr bolǵan.
Mundai aýyr ári ádiletsiz talaptar azamattar úshin úlken qaýip týdyrady, olar aldaný arqyly óz múlkinen aiyrylyp qalý qaýpine ushyraidy.
Sot sanktsiiasymen kúdiktiniń jalpy quny 154 mln teńge bolatyn múlkine tyiym salyndy. Olardyń ishinde 6 jeke turǵyn úi, 3 avtokólik («TANK 500», «TOYOTA CAMRY», «MITSUBISHI FIGHTER») bar.
Tergep-tekserý jumystary jalǵasýda.
QR QPK-niń 201-babyna sáikes ózge aqparat jariia etýge jatpaidy.
