قما قوستاناي وبلىسى بويىنشا دەپارتامەنتى زاڭسىز ميكروقارجىلىق قىزمەت فاكتىسى بويىنشا سوتقا دەيىنگى تەرگەپ-تەكسەرۋدى جۇرگىزۋدە، دەپ حابارلايدى Dalanews.kz.
كۇدىكتى التى جىل بويى ءتيىستى ليسەنزياسىز، «OLX» جانە «Instagram» ءموبيلدى قوسىمشالارى ارقىلى پايىزىمەن قارىز بەرۋمەن اينالىسقان.
زاڭسىز ارەكەتتەر زاڭدى تۇرىندە كورسەتىلىپ، وندا ناقتى بەرىلگەن سومادان الدەقايدا جوعارى ساندار كورسەتىلگەن. ويتكەنى وعان جىلدىق 100%-عا دەيىن الدىن الا ەسەپتەلگەن سىياقىلار ەنگىزىلگەن.
قارىزدىڭ قايتارىلۋىن قامتاماسىز ەتۋ ماقساتىندا قارىز الۋشىلاردىڭ مۇلكى كەپىلدىككە قويىلعان.
اتالعان سحەما بويىنشا كۇدىكتى جالپى سوماسى 556 ملن تەڭگەدەن اساتىن 72 مامىلە جاساعان.
سولاردىڭ ءبىرى – رۋدنىي قالاسىنىڭ زەينەتكەرىمەن جاسالعان كەلىسىم. ول كۇدىكتىدەن ەمدەلۋگە قاجەت دەپ 13،2 ملن تەڭگە كولەمىندە قارىز العانى تۋرالى كەلىسىمگە وتىرعان. كەلىسىم شارتتارىنا سايكەس، زەينەتكەر ەكى جىل بويى اي سايىن 600 مىڭ تەڭگەدەن تولەۋگە مىندەتتەلگەن.
الايدا، ءىس جۇزىندە ول قولىنا تەك 6 ملن تەڭگە عانا العان، ال قالعان 7،2 ملن تەڭگە الدىن الا ەسەپتەلگەن پايىز رەتىندە كورسەتىلگەن. قارىزدى قامتاماسىز ەتۋ ءۇشىن ول ءوزىنىڭ جالعىز پاتەرىن كەپىلدىككە قويۋعا ءماجبۇر بولعان.
مۇنداي اۋىر ءارى ادىلەتسىز تالاپتار ازاماتتار ءۇشىن ۇلكەن ءقاۋىپ تۋدىرادى، ولار الدانۋ ارقىلى ءوز مۇلكىنەن ايىرىلىپ قالۋ قاۋپىنە ۇشىرايدى.
سوت سانكسياسىمەن كۇدىكتىنىڭ جالپى قۇنى 154 ملن تەڭگە بولاتىن مۇلكىنە تىيىم سالىندى. ولاردىڭ ىشىندە 6 جەكە تۇرعىن ءۇي، 3 اۆتوكولىك («TANK 500»، «TOYOTA CAMRY»، «MITSUBISHI FIGHTER») بار.
تەرگەپ-تەكسەرۋ جۇمىستارى جالعاسۋدا.
ق ر قپك-نىڭ 201-بابىنا سايكەس وزگە اقپارات جاريا ەتۋگە جاتپايدى.
