Májilis depýtaty Aidos Sarym jumys isteitin zeinetkerlerdiń zeinetaqysyn toqtatý týraly bastamany synady, - dep habarlaidy Dalanews.kz Massaget.kz-ke siltep.
"Bul shara eńbek etý jáne áleýmettik qamsyzdandyrý quqyǵyna kepildik beretin Qazaqstan Respýblikasynyń Konstitýtsiiasyna qaishy keledi. Aita keteiik, zeinetke shyǵý ólim jazasy emes. Árbir Qazaqstan azamaty zeinetkerlik jasqa jetkende de adal eńbek etýge quqyly, áitpese kásibi muǵalimderdiń, dárigerlerdiń jáne basqa da sanattaǵy mamandardyń tapshylyǵyna bailanysty máselelerdi qalai sheshýge bolady?" - dedi Aidos Sarym.
Ol elimizdegi kadr tapshylyǵyn basa aitty.
"Máselen, enbek.kz Eńbek birjasynyń málimetinshe, 4 qarashadaǵy jaǵdai boiynsha 53 826 bos jumys orny bolsa, onyń 13 356-sy eńbek ótilin talap etpeidi. Basqa jumys izdeý platformasy Head Hunter (hh.kz) 47 946 bos jumys orny bar", - dedi depýtat.
Onyń aitýynsha, taǵy bir tendentsiia - jastardyń shetelge jumysqa ketýi. Ol bul úderis jumys tapshylyǵyna emes, jalaqynyń az bolǵanyna bailanysty ekenin aitty.
"Sonymen qatar, mundai bastamalar urpaq arasyna alaýyzdyq týdyryp, zeinetkerlerdi jastarǵa qarsy qoiady. Zeinetkerler jastardyń jumysyn "tartyp alyp jatyr" degen durys emes. Sondai-aq, Eńbek ministrliginiń 2015 jyly zeinetkerlerdi jumystan shyǵarýdy zańdastyrý týraly asyǵys sheshimi halyqaralyq eńbek standarttaryna qaishy keledi. Osyǵan bailanysty aldaǵy ýaqytta áleýmettik shielenis týdyratyn málimdemelerden aýlaq bolýǵa shaqyramyn", - dedi ol.
Eske salaiyq, buǵan deiin 2025 jyly eń tómen zeinetaqy qansha bolatyny aitylǵan edi.
Aldaǵy úsh jylǵa arnalǵan zańnyń 9-babynda kórsetilgendei, 2025 jylǵy 1 qańtardan bastap jalaqynyń eń tómengi mólsheri - 85 000 teńge, memlekettik bazalyq mólsheri - 32 360 teńge, zeinetaqynyń eń tómengi mólsheri - 62 771 teńge, ailyq eseptik kórsetkish - 3 932 teńge, eń tómengi kúnkóris deńgeiiniń shamasy - 46 228 teńge dep bekitilgen.
"Jasyna bailanysty jáne eńbek sińirgen jyldary úshin zeinetaqy tólemderine jumsalatyn qarajat 2025 jylǵy 1 qańtardan bastap 8,5 paiyzǵa kóterý kózdelgen", - delingen qujatta.
