ءماجىلىس دەپۋتاتى ايدوس سارىم جۇمىس ىستەيتىن زەينەتكەرلەردىڭ زەينەتاقىسىن توقتاتۋ تۋرالى باستامانى سىنادى، - دەپ حابارلايدى Dalanews.kz Massaget.kz-كە سىلتەپ.
"بۇل شارا ەڭبەك ەتۋ جانە الەۋمەتتىك قامسىزداندىرۋ قۇقىعىنا كەپىلدىك بەرەتىن قازاقستان رەسپۋبليكاسىنىڭ كونستيتۋسياسىنا قايشى كەلەدى. ايتا كەتەيىك، زەينەتكە شىعۋ ءولىم جازاسى ەمەس. ءاربىر قازاقستان ازاماتى زەينەتكەرلىك جاسقا جەتكەندە دە ادال ەڭبەك ەتۋگە قۇقىلى، ايتپەسە كاسىبي مۇعالىمدەردىڭ، دارىگەرلەردىڭ جانە باسقا دا ساناتتاعى مامانداردىڭ تاپشىلىعىنا بايلانىستى ماسەلەلەردى قالاي شەشۋگە بولادى؟" - دەدى ايدوس سارىم.
ول ەلىمىزدەگى كادر تاپشىلىعىن باسا ايتتى.
"ماسەلەن، enbek.kz ەڭبەك بيرجاسىنىڭ مالىمەتىنشە، 4 قاراشاداعى جاعداي بويىنشا 53 826 بوس جۇمىس ورنى بولسا، ونىڭ 13 356-سى ەڭبەك ءوتىلىن تالاپ ەتپەيدى. باسقا جۇمىس ىزدەۋ پلاتفورماسى Head Hunter (hh.kz) 47 946 بوس جۇمىس ورنى بار"، - دەدى دەپۋتات.
ونىڭ ايتۋىنشا، تاعى ءبىر تەندەنسيا - جاستاردىڭ شەتەلگە جۇمىسقا كەتۋى. ول بۇل ۇدەرىس جۇمىس تاپشىلىعىنا ەمەس، جالاقىنىڭ از بولعانىنا بايلانىستى ەكەنىن ايتتى.
"سونىمەن قاتار، مۇنداي باستامالار ۇرپاق اراسىنا الاۋىزدىق تۋدىرىپ، زەينەتكەرلەردى جاستارعا قارسى قويادى. زەينەتكەرلەر جاستاردىڭ جۇمىسىن "تارتىپ الىپ جاتىر" دەگەن دۇرىس ەمەس. سونداي-اق، ەڭبەك مينيسترلىگىنىڭ 2015 جىلى زەينەتكەرلەردى جۇمىستان شىعارۋدى زاڭداستىرۋ تۋرالى اسىعىس شەشىمى حالىقارالىق ەڭبەك ستاندارتتارىنا قايشى كەلەدى. وسىعان بايلانىستى الداعى ۋاقىتتا الەۋمەتتىك شيەلەنىس تۋدىراتىن مالىمدەمەلەردەن اۋلاق بولۋعا شاقىرامىن"، - دەدى ول.
ەسكە سالايىق، بۇعان دەيىن 2025 جىلى ەڭ تومەن زەينەتاقى قانشا بولاتىنى ايتىلعان ەدى.
الداعى ءۇش جىلعا ارنالعان زاڭنىڭ 9-بابىندا كورسەتىلگەندەي، 2025 جىلعى 1 قاڭتاردان باستاپ جالاقىنىڭ ەڭ تومەنگى مولشەرi - 85 000 تەڭگە، مەملەكەتتىك بازالىق مولشەرى - 32 360 تەڭگە، زەينەتاقىنىڭ ەڭ تومەنگى مولشەرi - 62 771 تەڭگە، ايلىق ەسەپتiك كورسەتكiش - 3 932 تەڭگە، ەڭ تومەنگى كۇنكورiس دەڭگەيiءنىڭ شاماسى - 46 228 تەڭگە دەپ بەكىتىلگەن.
"جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2025 جىلعى 1 قاڭتاردان باستاپ 8،5 پايىزعا كوتەرۋ كوزدەلگەن"، - دەلىنگەن قۇجاتتا.
