Birińǵaı jınaqtaýshy zeınetaqy qory tikeleı, qashyqtan jáne óz betinshe qyzmet kórsetý júıelerin damytý, zeınetaqy qyzmetteriniń belgilengen standarttaryn saqtaý jáne áleýmettik táýekelderdi eskere otyryp, bıznes-úderisterdiń úzdiksiz qyzmetin júrgizý arqyly zeınetaqy qyzmetterine qoljetimdilikti birdeı qamtamasyz etýdi kózdep otyr.

Taıaý ýaqytta zeınetaqylyq qyzmetterdiń barlyq túrin elektrondyq formatqa kóshirý josparlanýda. Qor elektrondyq servısterdi damytý jáne ilgeriletý jumystaryn jalǵastyratyn bolady. Búgingi tańda elektrondyq baılanys arnalary arqyly kórsetiletin qyzmetterdiń úles salmaǵy shamamen 40 paıyzdy quraıdy. Al 2021 jylǵa deıin ony 55 paıyzǵa jetkizý kózdelgen.

Budan basqa, qor elektrondyq qyzmetterge qoljetimdilikti ońaılatý maqsatynda ekinshi deńgeıdegi bankterdiń ınfraqurylymdaryn – ınternet-bankıng pen bankomattar jelisin paıdalaný múmkindigin qarastyryp jatyr.

Sondaı-aq, ózine-ózi qyzmet kórsetý júıesin damytý aıasynda qoǵamdyq oryndarda ózine-ózi qyzmet kórsetý termınaldaryn ornalastyrý jobasyn júzege asyrý jumysy júrgizilip jatyr.

Qordyń resmı saıtynda bıyl iske qosylǵan qyzmetterdiń kópshiligin kelesi jyly Elektrondyq úkimet portaly men qordyń uıaly qosymshasy arqyly qoljetimdi etý josparlanyp otyr.