BJZQ zeinetaqy aktivterin investitsiialaý týraly esep usyndy. 2016 jylǵy 1 shildedegi jaǵdai boiynsha BJZQ zeinetaqy aktivteri qorjynynyń aǵymdaǵy quny 6, 22 trln teńge boldy - dep habarlaidy qordyń baspasóz qyzmetine silteme jasaǵan BAQ.kz tilshisi.
Qazaqstan Respýblikasynyń Ulttyq qoryn basqarý keńesi otyrysynyń 2016 jylǵy 20 aqpandaǵy №01-9.2 hattamasyna sáikes BJZQ-nyń zeinetaqy aktivteri 2016 jyly mynadai baǵyttarǵa investitsiialanatyn bolady:
— respýblikalyq biýdjet tapshylyǵyn qarjylandyrý úshin Qazaqstan Respýblikasynyń memlekettik baǵaly qaǵazdaryn satyp alý;
— sheteldik qarjy naryqtaryna investitsiialaý úshin sheteldik valiýta satyp alý;
— shaǵyn jáne orta kásipkerlik sýbektilerin qarjylandyrý úshin ekinshi deńgeidegi bankterdiń kelisilgen qarjy quraldaryna investitsiialaý;
— kvazimemlekettik sektor sýbektileriniń kelisilgen boryshtyq baǵaly qaǵazdaryna investitsiialaý.
Zeinetaqy aktivteri qorjynynyń qurylymy mynadai túrde berilgen:
QR Memlekettik baǵaly qaǵazdary (QR MBQ). 2016 jylǵy 01 shildedegi jaǵdai boiynsha qorjyndaǵy QR MBQ úlesi — 44,07%. Esepti kezeńde BJZQ zeinetaqy aktivteri qorjynyndaǵy QR MBQ óteýge ortasha ólshengen tabystylyq jylyna 12,5%-dy qurady.
Sheteldik memleketterdiń MBQ. Esepti kúndegi sheteldik memleketterdiń baǵaly qaǵazdarynyń kólemi birinshi toqsanmen salystyrǵanda artyp (esterińizge sala keteiik, sheteldik memleketterdiń MBQ úlesi 2016 jylǵy 1 sáýirde 0,85% bolǵan), 289,29 mlrd teńgeni qurady (úlesi 4,65%).
Halyqaralyq qarjy uiymdarynyń obligatsiialary. HQU obligatsiialarynyń qorjyndaǵy úlesi birinshi toqsanda 1,41%-dan 1,37%-ǵa deiin azaidy.
QR ekinshi deńgeidegi bankterindegi depozitter. 2016 jylǵy 01 shildede QR EDB- degi depozitterdiń aǵymdaǵy quny 429,1 mlrd. teńgeni qurady. 1 sáýirde qorjyndaǵy depozitter úlesi 5,57%-dan 6,89%-ǵa deiin artty. Depozitter boiynsha ortasha ólshengen syiaqy mólsherlemesi — jylyna 15,44%.
2016 jylǵy 01 shildede qorjyndaǵy QR emitentteriniń korporativtik obligatsiialarynyń aǵymdaǵy quny 107,73 mlrd. teńgeni qurady (úlesi 1,73%). Toqsan ishinde QR emitentteriniń korporativtik obligatsiialarynyń negizgi boryshy 5,28 mlrdteńge somasynda óteldi. Ekinshi toqsanda QR korporativtik obligatsiialaryn satyp alý bolǵan joq.
2016 jyldyń ekinshi toqsanynda qorjyn qurylymyndaǵy jekelegen toptarǵa Qazaqstan Respýblikasynyń kvazimemlekettik uiymdarynyń obligatsiialary jáne ekinshi deńgeidegi bankterdiń obligatsiialary bólingendigin aita ketken jón.
QR kvazimemlekettik uiymdarynyń obligatsiialary. 2016 jylǵy 01 shildedegi jaǵdai boiynsha BJZQ qorjynyndaǵy kvazimemlekettik obligatsiialar quny – 663,19 mlrd. teńge, menshikti úlesi – 10,65%.
QR ekinshi deńgeidegi bankteriniń obligatsiialary. 2016 jylǵy 01 shildedegi jaǵdai boiynsha qorjyndaǵy QR EDB obligatsiialarynyń úlesi 24,36%-dy qurady, al aǵymdaǵy quny – 1 516,37 mlrd teńge.
2016 jylǵy 01 shildedegi sheteldik emitentterdiń korporativtik obligatsiialarynyń aǵymdaǵy quny 149,8 mlrd teńge boldy jáne qorjyndaǵy olardyń úlesi birinshi toqsanda 2,78%-dan 2,41%-ǵa deiin tómendedi.
Sondai-aq BJZQ qorjynyna sheteldik emitentterdiń PPN (qurylymdyq notalar) (0,70%), QR emitentteriniń aktsiialary men depozitarlyq qolhattary (1,79%), sheteldik emitentterdiń aktsiialary jáne depozitarlyq qolhattary (0,26%) kiredi.
Jalpy alǵanda, qorjyn qurylymy durys tabystylyqty qamtamasyz etýge múmkindik beredi. 2016 jyldyń birinshi jartyjyldyǵynda taza investitsiialyq tabys somasy – 267,21 mlrd. teńge.
