Premer-ministrdiń orynbasary – Ulttyq ekonomika ministri Serik Jumanǵarin 2025 jylǵy 23 maýsymda Senatta Qazaqstanda zeinetaqylardy, járdemaqylardy jáne áleýmettik tólemderdi indeksteýge biýdjetten 800 milliard teńge qarastyrylyp otyrǵanyn aitty, dep habarlaidy Dalanews.kz.
Ol kóptegen kásiporyndar 2026 jyldan bastap QQS 20% bolatynyn eskere otyryp, ónimderi men qyzmetteriniń baǵasyn kóterip úlgergenin aitty. Azyq-túlik baǵasy 9,6%-ǵa ósti. Kórsetiletin qyzmetter quny 15-16%-ǵa qymbattady. Bul rette Úkimet qyzmetter baǵasynyń ósimin tejeýge qarsy sharalar qoldanatyn bolady.
"Zeinetaqylardy,járdemaqylardy, áleýmettik tólemderdi indeksteýge biz shamamen 800 mlrd teńge qarastyryp otyrmyz. Biýdjette buǵan múmkindik bar, sondyqtan halyqtyń áleýmettik osal toptary úshin qatty aýyr bolmaidy (qymbatshylyq turǵysynda sham. – avt.) dep oilaimyn", - dedi Serik Jumanǵarin.
Ol birinshi jáne ekinshi toptaǵy múgedekter úshin salyq salynbaityn tabystyń kólemi aiyna 289 myń teńgeden 1,6 mln teńgege deiin ulǵaitylǵanyn atap ótti. Bul 350 myń salyq tóleýshiniń shamamen 12 mlrd teńgeni únemdeýine múmkindik beredi.
