I. Jansúgirov atyndaǵy Jetisý ýniversitetine AQSh-tyń Almatydaǵy Bas konsýldyǵynyń delegatsiiasy keldi. Qoǵammen bailanys jónindegi Bas konsýl orynbasary Djeff Raidenýr, American Spaces baǵdarlamasynyń úilestirýshisi Timýr Sýlbaev jáne Fulbright English Teaching Assistant (ETA) baǵdarlamasynyń qatysýshysy Alessandra Kabreramen ýniversitet basshylyǵy resmi kezdesý ótkizdi, dep habarlaidy dalanews.kz.
Yntymaqtastyqtyń ózegi - ýniversitettiń AQSh Memlekettik departamentiniń qoldaýymen Djordjtaýn ýniversiteti seriktestikte júzege asyratyn English Language Fellow Program baǵdarlamasyna qatysýy edi. Konkýrstyq irikteýden sátti ótken ýniversitet jańa oqý jylyna amerikalyq mamandy qabyldaý múmkindigine ie bolǵan. Osy kelisim boiynsha AQSh Memlekettik departamentiniń Bilim jáne mádeniet máseleleri jónindegi biýrosy (ECA) qarjylandyratyn Fulbright English Teaching Assistant (ETA) baǵdarlamasynyń qatysýshysy Alessandra Kabrera jumys isteýge keldi. Akademiialyq ortada amerikalyq áriptestiń bolýy stýdentter men oqytýshylardyń tildik quzyretterin damytyp, mádenietaralyq tanymdy keńeitýge mol múmkindik ashady. Sondai-aq Alessandra Kabrera English Access baǵdarlamasynyń negizgi oryndaýshysynyń biri.
Osy yntymaqtastyq aiasynda bilim ordasy taǵy bir jobany oryndaýǵa múmkindik alyp otyr. Ol English Access + KazTEA baǵdarlamasy. Bul joba qazaqstandyq aǵylshyn tili oqytýshylarynyń KazTEA qaýymdastyǵymen birlesip jáne AQSh-tyń Almatydaǵy Bas konsýldyǵynyń qoldaýymen 2026 jylǵy 5 qazannan bastap júzege asady. English Access — 18 ailyq aǵylshyn tilin tegin oqytýǵa arnalǵan grant baǵdarlamasy. Qatysýshylar akademiialyq, kóshbasshylyq jáne tsifrlyq quzyretterin damytady, AQSh mádenieti, qundylyqtarymen tanysady, Bas konsýldyq pen Fulbright ETA ókilderimen kezdesedi, sondai-aq Qazaqstanda jumys isteitin amerikandyq kompaniialardyń ókilderi qatysatyn mansaptyq is-sharalarǵa qatysady. Baǵdarlamany sátti aiaqtaǵan qatysýshylarǵa sertifikat beriledi. Baǵdarlama negizinen STEM, IT, biznes jáne menedjment baǵyttary boiynsha oqityn, jasy 18–20 arasyndaǵy, aǵylshyn tilin meńgerý deńgeii A2-den tómen emes jáne GPA 3,0 jáne odan joǵary 1,2-kýrs stýdentterine arnalǵan.
Resmi kezdesýde taraptar aǵylshyn tilin oqytý sapasyn arttyrý, oqytýshylardyń kásibi damýyna jaǵdai jasaý jáne halyqaralyq bilim berý jobalaryn odan ári damytý máselelerin talqylady.
«Ýniversitettiń aǵylshyn tilin oqytý sapasyn arttyrýǵa, oqytýshylardyń kásibi damýyna jáne halyqaralyq tájiribeni engizýge degen umtylysy joǵary baǵalaýǵa laiyq. English Language Fellow baǵdarlamasy aiasyndaǵy birlesken jumys stýdentter men oqytýshylar úshin jańa múmkindikter ashyp, Qazaqstan men AQSh arasyndaǵy bilim berý bailanysyn odan ári nyǵaita túsedi», – dedi AQSh-tyń Almatydaǵy Bas konsýldyǵynyń Qoǵammen bailanys jónindegi Bas konsýl orynbasary Djeff Raidenýr.
Basqarma Tóraǵasy-rektor Ermek Bóribaev bilim salasy boiynsha eki el arasyndaǵy yntymaqtastyqtyń nyǵaiýyna sebep bolatyn osyndai aýqymdy baǵdarlamalardyń yqpaly zor ekenin aita kele, jas maman Alessandra Kabreraǵa Jetisý ýniversitetindegi qyzmetine tabys tiledi.
Ýniversitet úshin atalǵan seriktestiktiń mańyzy zor. Sebebi halyqaralyq baǵdarlamalar arqyly oqytýshylardyń tájiribe almasýyna, zamanaýi ádistemelerdi meńgerýine jáne bilim alýshylardyń sheteldik mamandarmen tikelei bailanys ornatýyna jol ashylady.
