ٸ. جانسٷگٸروۆ اتىنداعى جەتٸسۋ ۋنيۆەرسيتەتٸنە اقش-تىڭ الماتىداعى باس كونسۋلدىعىنىڭ دەلەگاتسيياسى كەلدٸ. قوعاممەن بايلانىس جٶنٸندەگٸ باس كونسۋل ورىنباسارى دجەفف رايدەنۋر, American Spaces باعدارلاماسىنىڭ ٷيلەستٸرۋشٸسٸ تيمۋر سۋلباەۆ جەنە Fulbright English Teaching Assistant (ETA) باعدارلاماسىنىڭ قاتىسۋشىسى الەسساندرا كابرەرامەن ۋنيۆەرسيتەت باسشىلىعى رەسمي كەزدەسۋ ٶتكٸزدٸ, دەپ حابارلايدى dalanews.kz.
ىنتىماقتاستىقتىڭ ٶزەگٸ - ۋنيۆەرسيتەتتٸڭ اقش مەملەكەتتٸك دەپارتامەنتٸنٸڭ قولداۋىمەن دجوردجتاۋن ۋنيۆەرسيتەتٸ سەرٸكتەستٸكتە جٷزەگە اسىراتىن English Language Fellow Program باعدارلاماسىنا قاتىسۋى ەدٸ. كونكۋرستىق ٸرٸكتەۋدەن سەتتٸ ٶتكەن ۋنيۆەرسيتەت جاڭا وقۋ جىلىنا امەريكالىق ماماندى قابىلداۋ مٷمكٸندٸگٸنە يە بولعان. وسى كەلٸسٸم بويىنشا اقش مەملەكەتتٸك دەپارتامەنتٸنٸڭ بٸلٸم جەنە مەدەنيەت مەسەلەلەرٸ جٶنٸندەگٸ بيۋروسى (ECA) قارجىلاندىراتىن Fulbright English Teaching Assistant (ETA) باعدارلاماسىنىڭ قاتىسۋشىسى الەسساندرا كابرەرا جۇمىس ٸستەۋگە كەلدٸ. اكادەمييالىق ورتادا امەريكالىق ەرٸپتەستٸڭ بولۋى ستۋدەنتتەر مەن وقىتۋشىلاردىڭ تٸلدٸك قۇزىرەتتەرٸن دامىتىپ, مەدەنيەتارالىق تانىمدى كەڭەيتۋگە مول مٷمكٸندٸك اشادى. سونداي-اق الەسساندرا كابرەرا English Access باعدارلاماسىنىڭ نەگٸزگٸ ورىنداۋشىسىنىڭ بٸرٸ.
وسى ىنتىماقتاستىق اياسىندا بٸلٸم ورداسى تاعى بٸر جوبانى ورىنداۋعا مٷمكٸندٸك الىپ وتىر. ول English Access + KazTEA باعدارلاماسى. بۇل جوبا قازاقستاندىق اعىلشىن تٸلٸ وقىتۋشىلارىنىڭ KazTEA قاۋىمداستىعىمەن بٸرلەسٸپ جەنە اقش-تىڭ الماتىداعى باس كونسۋلدىعىنىڭ قولداۋىمەن 2026 جىلعى 5 قازاننان باستاپ جٷزەگە اسادى. English Access — 18 ايلىق اعىلشىن تٸلٸن تەگٸن وقىتۋعا ارنالعان گرانت باعدارلاماسى. قاتىسۋشىلار اكادەمييالىق, كٶشباسشىلىق جەنە تسيفرلىق قۇزىرەتتەرٸن دامىتادى, اقش مەدەنيەتٸ, قۇندىلىقتارىمەن تانىسادى, باس كونسۋلدىق پەن Fulbright ETA ٶكٸلدەرٸمەن كەزدەسەدٸ, سونداي-اق قازاقستاندا جۇمىس ٸستەيتٸن امەريكاندىق كومپانييالاردىڭ ٶكٸلدەرٸ قاتىساتىن مانساپتىق ٸس-شارالارعا قاتىسادى. باعدارلامانى سەتتٸ اياقتاعان قاتىسۋشىلارعا سەرتيفيكات بەرٸلەدٸ. باعدارلاما نەگٸزٸنەن STEM, IT, بيزنەس جەنە مەنەدجمەنت باعىتتارى بويىنشا وقيتىن, جاسى 18–20 اراسىنداعى, اعىلشىن تٸلٸن مەڭگەرۋ دەڭگەيٸ A2-دەن تٶمەن ەمەس جەنە GPA 3,0 جەنە ودان جوعارى 1,2-كۋرس ستۋدەنتتەرٸنە ارنالعان.
رەسمي كەزدەسۋدە تاراپتار اعىلشىن تٸلٸن وقىتۋ ساپاسىن ارتتىرۋ, وقىتۋشىلاردىڭ كەسٸبي دامۋىنا جاعداي جاساۋ جەنە حالىقارالىق بٸلٸم بەرۋ جوبالارىن ودان ەرٸ دامىتۋ مەسەلەلەرٸن تالقىلادى.
«ۋنيۆەرسيتەتتٸڭ اعىلشىن تٸلٸن وقىتۋ ساپاسىن ارتتىرۋعا, وقىتۋشىلاردىڭ كەسٸبي دامۋىنا جەنە حالىقارالىق تەجٸريبەنٸ ەنگٸزۋگە دەگەن ۇمتىلىسى جوعارى باعالاۋعا لايىق. English Language Fellow باعدارلاماسى اياسىنداعى بٸرلەسكەن جۇمىس ستۋدەنتتەر مەن وقىتۋشىلار ٷشٸن جاڭا مٷمكٸندٸكتەر اشىپ, قازاقستان مەن اقش اراسىنداعى بٸلٸم بەرۋ بايلانىسىن ودان ەرٸ نىعايتا تٷسەدٸ», – دەدٸ اقش-تىڭ الماتىداعى باس كونسۋلدىعىنىڭ قوعاممەن بايلانىس جٶنٸندەگٸ باس كونسۋل ورىنباسارى دجەفف رايدەنۋر.
باسقارما تٶراعاسى-رەكتور ەرمەك بٶرٸباەۆ بٸلٸم سالاسى بويىنشا ەكٸ ەل اراسىنداعى ىنتىماقتاستىقتىڭ نىعايۋىنا سەبەپ بولاتىن وسىنداي اۋقىمدى باعدارلامالاردىڭ ىقپالى زور ەكەنٸن ايتا كەلە, جاس مامان الەسساندرا كابرەراعا جەتٸسۋ ۋنيۆەرسيتەتٸندەگٸ قىزمەتٸنە تابىس تٸلەدٸ.
ۋنيۆەرسيتەت ٷشٸن اتالعان سەرٸكتەستٸكتٸڭ ماڭىزى زور. سەبەبٸ حالىقارالىق باعدارلامالار ارقىلى وقىتۋشىلاردىڭ تەجٸريبە الماسۋىنا, زاماناۋي ەدٸستەمەلەردٸ مەڭگەرۋٸنە جەنە بٸلٸم الۋشىلاردىڭ شەتەلدٸك ماماندارمەن تٸكەلەي بايلانىس ورناتۋىنا جول اشىلادى.
