Almaty oblysyndaǵy Jetisý stantsiiasy temirjol vokzalynyń rekonstrýktsiiasy aiaqtaldy. Jańartylǵan nysan jolaýshylar úshin keń, zamanaýi ári jaily bolyp, qaýipsizdik pen qoljetimdilik talaptaryna tolyq sai keledi, dep habarlaidy dalanews.kz.
1959 jyly salynǵan temirjol vokzaly tolyq jańǵyrtyldy. Qaita jańartý nátijesinde ǵimarattyń jalpy aýmaǵy eki esege jýyq, iaǵni 135,7 sharshy metrden 258,3 sharshy metrgedeiin ulǵaidy. Bir qabatty vokzal ǵimaraty jolaýshylar men temirjol salasy qyzmetkerlerine qolaily jaǵdai jasaý úshin zamanaýi infraqurylymmen jabdyqtaldy.
Qaita jańartý barysynda shatyrdy montajdaý, ǵimarattyń syrtqy jáne ishki árleýi, káriz, sý, jylý jáne elektrmen jabdyqtaýdyń syrtqy jáne ishki injenerlik jelileriniń jumysy oryndaldy. Sondai-aq, perrondy qaita jańartý, irgeles aýmaqty abattandyrý jáne zamanaýi jihazdardy ornatý jumystary júrgizildi.
Jetisý stantsiiasynyń temirjol vokzaly 3-sanattaǵy vokzalǵa jatady. Stantsiia arqylykún saiyn Almaty, Altynkól, Saryózek jáne Qapshaǵai baǵyttaryna qatynaityn tórt jolaýshylar poiyzy ótedi.
Eske sala keteiik, vokzaldy jańǵyrtý jumystary Memleket basshysynyń tapsyrmasy boiynsha elimizdegi 124 temirjol vokzalyn rekonstrýktsiialaý jáne jańǵyrtý jónindegi aýqymdy baǵdarlama aiasynda júzege asyryldy. Almaty oblysynda bul baǵdarlama tórt temirjol vokzalyn qamtidy: Qonaev, Shamalǵan, Jetisý jáne Qazybek bek (Uzynaǵash).
Maýsym aiynda jańǵyrtýdan ótken Qonaev stantsiiasynyń temirjol vokzaly paidalanýǵa berildi. 1978 jyly salynǵan vokzal tolyq jańartylyp, zamanaýi talaptarǵa sáikestendirildi.
