24–25 tamyzda Jetisý oblysynyń Panfilov aýdanynda jaýǵan mol jaýyn-shashyn saldarynan respýblikalyq mańyzy bar KZ19-01 «Saryózek – Kóktal» avtomobil jolynyń jekelegen ýchaskelerinde lai-tas aralas qarqyndy sý aǵyny qalyptasty, dep habarlaidy dalanews.kz.
Tabiǵi qubylystyń eń eleýli saldary joldyń 152-shaqyrymynda tirkeldi. Sel aǵyny jol jiegi men jer tóseminiń bir bóligin topyraq negizine deiin shaiyp ketken. Sonyń saldarynan joldyń oń jaq jolaǵynyń bir bóligi opyrylyp, jol tósemi zaqymdandy.
Tabiǵi qubylystyń saldaryn joiýǵa JPB-90 jáne JPB-18 kúshteri jumyldyryldy. Avariialyq-qalpyna keltirý jumystaryna barlyǵy 18 qyzmetker men 13 birlik arnaiy tehnika, onyń ishinde KamAZ kólikteri men tiegishter, frontaldy tiegishter, MTZ traktorlary jáne býldozer tartyldy.
Qazirgi ýaqytta jol qyzmetteri júrý bóligin lai-tas shógindilerinen tazartýda. Sonymen qatar shaiylǵan jer tósemin nyǵaitý jáne joldyń zaqymdanǵan bóliginiń turaqtylyǵyn qalpyna keltirý boiynsha kezek kúttirmeitin jumystar júrgizilip jatyr.
Qozǵalys qaýipsizdigin qamtamasyz etý maqsatynda zaqymdanǵan ýchaske qorshalyp, ýaqytsha jol belgileri men baǵyttaýshy qurylǵylar ornatyldy.
Avtojol tolyq jabylǵan joq. Kólik qozǵalysy joldyń saqtalǵan jolaǵy arqyly kezekpen, reversivti rejimde uiymdastyrylǵan. Oqiǵa ornynda patrýldik politsiia qyzmetkerleriniń kezekshiligi uiymdastyryldy.
Avariialyq-qalpyna keltirý jáne nyǵaitý jumystary jalǵasýda. Ýchaskedegi jaǵdai jol qyzmetteriniń turaqty baqylaýynda.
