Jetisý oblysynda Memleket basshysy bastamashylyq etken «Taza Qazaqstan» respýblikalyq ekologiialyq baǵdarlamasy men «Zań men tártip» qaǵidatyn iske asyrý maqsatynda reidtik-profilaktikalyq is-sharalar turaqty túrde júrgizilýde, dep habarlaidy dalanews.kz.
Oblys ákimi orynbasarynyń jetekshiligimen 2026 jylǵy 17 maýsymnan bastap oblystyq, aýdandyq jáne qalalyq vedomstvoaralyq mobildi top jumys isteýde. Onyń quramyna prokýratýra, politsiia, ekologiia, tótenshe jaǵdailar, sanitariialyq-epidemiologiialyq baqylaý departamenti, kóliktik baqylaý inspektsiiasy, oblystyq basqarmalar, jastar jáne volonterlik uiymdar, sondai-aq buqaralyq aqparat quraldarynyń ókilderi engizilgen.
Búgingi kúnge deiin oblys aýmaǵynda 139 reidtik is-shara ótkizilip, 89 quqyq buzýshylyq anyqtaldy. Reidterdiń qorytyndysy boiynsha buqaralyq aqparat quraldarynda 156 jariialanym jaryq kórdi.
27–28 shilde kúnderi Taldyqorǵan qalasy men Eskeldi aýdanynda mobildi toptardyń qatysýymen kezekti reidter uiymdastyrylyp, anyqtalǵan quqyq buzýshylyqtar boiynsha zańnama talaptaryna sáikes tiisti ákimshilik sharalar qabyldandy.
27 shildede Taldyqorǵan qalasynda Qaratal jáne Balyqty ózenderiniń boiynda «Shomylýǵa tyiym salynady» belgileri ornatylǵan aýmaqtarda qala ákiminiń orynbasary Qýanysh Seitimbetovtiń jetekshiligimen profilaktikalyq reid ótkizildi. Nátijesinde tyiym salynǵan jerde sýǵa shomylǵan 2 quqyq buzýshylyq faktisi anyqtalyp, Qazaqstan Respýblikasy Ákimshilik quqyq buzýshylyq týraly kodeksiniń 412-baby boiynsha eki azamatqa árqaisysyna 3,5 AEK mólsherinde ákimshilik aiyppul salyndy. Jalpy aiyppul somasy 55 062 teńgeni (7 AEK) qurady.
Reid barysynda demalýshylarǵa sýdaǵy qaýipsizdik talaptary túsindirilip, belgilengen erejelerdi saqtaýdyń mańyzdylyǵy jóninde profilaktikalyq jumystar júrgizildi.
28 shildede Taldyqorǵan qalasynda júrgizilgen reid kezinde Qaratal ózeniniń jaǵalaýyndaǵy ortaq paidalanylatyn aýmaqqa aýyr júk kóligimen turmystyq qatty qaldyqtardy zańsyz tógý deregi anyqtaldy. Quqyq buzýshyǵa qatysty Qazaqstan Respýblikasynyń Ákimshilik quqyq buzýshylyq týraly kodeksine jáne abattandyrý qaǵidalaryna sáikes tiisti ákimshilik sharalar qabyldandy.
Sol kúni qalanyń sanitariialyq jaǵdaiyna júrgizilgen monitoring barysynda 6 quqyq buzýshylyq anyqtaldy. Onyń ishinde Qazaqstan Respýblikasy Ákimshilik quqyq buzýshylyq týraly kodeksiniń 505-baby boiynsha 3 azamatqa ákimshilik aiyppul salynyp, 3 azamatqa eskertý berildi.
Eskeldi aýdanynda ákim orynbasary Janar Baiuzaqova jetekshiligimen ótkizilgen reid qorytyndysy boiynsha 6 ákimshilik hattama rásimdeldi. Onyń ishinde 5 azamatqa eskertý jasalyp, 1 quqyq buzýshyǵa Ákimshilik quqyq buzýshylyq týraly kodekstiń 505-babynyń 1-bóligine sáikes 20 AEK (86 500 teńge) mólsherinde ákimshilik aiyppul salyndy.
Mundai reidtik-profilaktikalyq is-sharalar qoǵamdyq tártipti nyǵaitýǵa, qorshaǵan ortany qorǵaýǵa, turǵyndardyń ekologiialyq mádenietin arttyrýǵa jáne azamattardyń qaýipsiz ári jaily ortada ómir súrýine jaǵdai jasaý maqsatynda turaqty túrde jalǵasatyn bolady.
