AQSh prezidenti Donald Tramp Saýd Arabiiasynyń murager hanzadasy Muhammed bin Salmandy Aq úide jyly shyraimen qarsy aldy, dep habarlaidy Dalanews.kz.
Kezdesý barysynda eki el arasyndaǵy áskeri-tehnikalyq, ekonomikalyq jáne saýda salasyndaǵy birqatar kelisimge qol qoiyldy. Saýd hanzadasy AQSh ekonomikasyna 1 trln dollar investitsiia salýǵa ýáde berdi.
“Tramp Saýd hanzadasyn qushaq jaia qarsy aldy. Sondai-aq bul kelisimder ekijaqty qarym-qatynasty jańa deńgeige kóterdi”, - dep jazdy álemdik BAQ sarapshylary.
Bul oqiǵaǵa qazaqstandyq jýrnalist Murat Telibekov te pikir bildirdi.
“Saýd Arabiiasynyń murageri kezdesýge kostiýmmen emes, qara halatpen keldi. Biraq Tramp oǵan kiná artpady. Nege? Sebebi oǵan batyly jetpeidi. Bul Ýkraina prezidenti Vladimir Zelenskii emes”, - deidi ol.
Telibekovtiń aitýynsha, bul álemdik saiasatta sabaq alatyn jaǵdai.
“Sen álemniń myqtylarynyń qurmetine ie bolǵyń kelse, ózińdi syilaýdy úiren. Qol sozyp, álsizdik tanytpa. Sonda ǵana seni baǵalaidy”, — dep qosty ol.
Eske salaiyq, buǵan deiin AQSh prezidenti Donald Tramp Ýkraina prezidenti Vladimir Zelenskiidi Aq úige kostiýmmen emes, áskeri kiimmen kelgeni úshin synǵa alǵan edi.
Sondai-aq, Tramptyń keńesshileri Zelenskiidiń komandasyna birneshe ret Aq úige kelgende áskeri kiimdi aýystyrý keregin eskertken. Olardyń pikirinshe, bul Ýkraina prezidentine degen qurmetti arttyrýǵa múmkindik beredi.
