Ýkraina prezidenti Vladimir Zelenskii Resei basshysy Vladimir Pýtinniń tikelei kelissózderdi qaita bastaý týraly usynysyna qatysty óz kózqarasyn bildirdi, dep habarlaidy Dalanews.kz.
Ol Telegram-arnasynda reseilikterdiń «soǵysty toqtatý týraly aqyry oilana bastaǵanyn» jaqsy belgi dep atap ótti. Zelenskiidiń aitýynsha, Ýkraina eń aldymen atysty toqtatýǵa kúsh salady.
"Reseilikterdiń aqyry soǵysty aiaqtaý týraly oilana bastaǵany — bul búkil álem kútip júrgen oń belgi. Kez kelgen soǵysty shyn máninde toqtatýdyń alǵashqy ári eń mańyzdy qadamy — atysty doǵarý. Adam óltirýdi bir kúnge bolsa da jalǵastyrýdyń esh máni joq", — dep jazdy Ýkraina prezidenti.
Onyń sózinshe, Ýkraina 12 mamyrdan bastap Resei atysty tolyq, uzaq merzimdi jáne senimdi túrde toqtatady dep úmittenedi. Zelenskii Kievtiń kelissózderge daiyn ekenin atap ótti.
