Ýkraına prezıdenti Vladımır Zelenskıı AQSH-tyń Reseı munaıyna qatysty sanksıalardy ishinara jeńildetýi Máskeýge soǵysty jalǵastyrý úshin mıllıardtaǵan tabys ákelýi múmkin ekenin aıtty, dep habarlaıdy Dala News.
Bul týraly ol Fransıa prezıdenti Emmanýel Makronmen ótken baspasóz konferensıasynda málimdedi.
«Reseıge qarsy qysymdy jalǵastyrý mańyzdy. Ásirese AQSH-tyń teńizdegi tankerlerde turǵan reseılik munaıǵa qatysty sanksıalardy ishinara jeńildetý týraly sheshimi aıasynda. Osyndaı bir ǵana jeńildik Reseıge soǵys júrgizýge shamamen 10 mıllıard dollar tabys ákelýi múmkin. Bul beıbitshilikke kómektespeıdi», – dedi Zelenskıı.
Eske salaıyq, 12 naýryzda AQSH Reseı munaıyn tankerler arqyly jetkizýge qatysty keıbir sanksıalardy 30 kúnge ýaqytsha toqtatqan.
AQSH Qarjy mınıstrliginiń lısenzıasyna sáıkes, 12 naýryzǵa deıin kemelerge tıelgen reseılik munaı men munaı ónimderin jetkizý jáne satý ruqsat etiledi. Bul ruqsat 11 sáýirge deıin kúshinde bolady.
Al Reseı prezıdentiniń baspasóz hatshysy Dmıtrıı Peskov bul sheshimge qatysty Vashıngton men Máskeýdiń múddeleri belgili bir deńgeıde sáıkes kelgenin málimdedi.
