Qazaqstanda zeinetaqy jinaqtaryn basqarý kezinde salymshylardyń jasyn eskerý máselesi qarastyrylyp jatyr. Ulttyq bank tóraǵasy Timýr Súleimenov bul bastamanyń mánin túsindirdi, dep habarlaidy dalanews.kz.
Onyń aitýynsha, jas azamattar zeinetke shyǵýǵa deiin uzaq ýaqyt bolǵandyqtan, táýekeli joǵary investitsiialyq strategiiany tańdaýǵa múmkindik alady.
22 jastaǵy, oqýyn endi aiaqtap, eńbek jolyn bastaǵan adamnyń zeinetke shyǵýyna deiin shamamen 40-50 jyl bar. Sondyqtan ol anaǵurlym belsendi ári táýekeli joǵary investitsiialyq quraldardy paidalana alady, – dedi Súleimenov.
Al zeinet jasyna jaqyndaǵan azamattar úshin kerisinshe, saqtyqqa negizdelgen strategiia qajet. Ulttyq bank basshysy 60 jastaǵy adamnyń jinaqtaryn joǵary táýekeldi portfelge salyp, zeinetke shyǵar aldynda qarjysynan aiyrylyp qalý qaýpine jol bermeý mańyzdy ekenin atap ótti.
Osyǵan bailanysty jas ereksheligine qarai ártaraptandyrý qaǵidaty usynylyp otyr. Onyń negizgi maqsaty – zeinetke deiingi ýaqyt aralyǵyna qarai táýekel deńgeiin belgileý. Iaǵni, adamnyń zeinetke shyǵýyna qanshalyqty kóp ýaqyt qalsa, investitsiialyq táýekel de sonshalyqty joǵary bolýy múmkin.
Sonymen qatar, bul bastamanyń naqty tetigi ázirge bekitilmegen. Qazir reformaǵa qatysty tásilder ǵana talqylanyp jatyr. Tiisti qujattardyń jobalary baǵdarlama maquldanǵannan keiin, negizinen 2027 jyly ázirlenedi.
