Ánshi Jazira Baiyrbekova Tursynbek Qabatov pen Móldir Muqannyń qarym-qatynasyna qatysty pikir bildirdi. Óner iesi burynǵy erli-zaiyptynyń eń aldymen balalarynyń qýanyshy úshin ortaq til tabysqanyn qalaitynyn aitty, dep habarlaidy dalanews.kz.
Jazira Baiyrbekova Móldir Muqan uiymdastyrǵan merekelik keshke qatysqan. Onyń sózinshe, balalar úshin ata-ananyń ózara syilastyqty saqtap, mańyzdy sátterde birge bolǵany jón.
"Móldir men Tursynbek ekeýi de toida bolsa eken. Eń bolmasa dos retinde, balalardyń aldynda, olardyń ár qýanyshynda birge bolsa eken. Birge kórsek eken dep armandap otyrmyn", – dedi ánshi.
Óner iesi Tursynbek Qabatovqa da, Móldir Muqanǵa da qurmetpen qaraitynyn atap ótti.
"Tursynbekti de, Móldirdi de qurmetteimin, syilaimyn. Ekeýi de óte jaqsy adamdar. Shyn júrekten balalary úshin bas qosyp tursa eken dep tileimin", – dedi Jazira Baiyrbekova.
Ánshiniń aitýynsha, olardyń jeke qarym-qatynasynan buryn balalardyń kóńil-kúii men otbasylyq mańyzdy sátteri aldyńǵy orynda bolýy kerek.
