ەنشٸ جازيرا بايىربەكوۆا تۇرسىنبەك قاباتوۆ پەن مٶلدٸر مۇقاننىڭ قارىم-قاتىناسىنا قاتىستى پٸكٸر بٸلدٸردٸ. ٶنەر يەسٸ بۇرىنعى ەرلٸ-زايىپتىنىڭ ەڭ الدىمەن بالالارىنىڭ قۋانىشى ٷشٸن ورتاق تٸل تابىسقانىن قالايتىنىن ايتتى, دەپ حابارلايدى dalanews.kz.
جازيرا بايىربەكوۆا مٶلدٸر مۇقان ۇيىمداستىرعان مەرەكەلٸك كەشكە قاتىسقان. ونىڭ سٶزٸنشە, بالالار ٷشٸن اتا-انانىڭ ٶزارا سىيلاستىقتى ساقتاپ, ماڭىزدى سەتتەردە بٸرگە بولعانى جٶن.
"مٶلدٸر مەن تۇرسىنبەك ەكەۋٸ دە تويدا بولسا ەكەن. ەڭ بولماسا دوس رەتٸندە, بالالاردىڭ الدىندا, ولاردىڭ ەر قۋانىشىندا بٸرگە بولسا ەكەن. بٸرگە كٶرسەك ەكەن دەپ ارمانداپ وتىرمىن", – دەدٸ ەنشٸ.
ٶنەر يەسٸ تۇرسىنبەك قاباتوۆقا دا, مٶلدٸر مۇقانعا دا قۇرمەتپەن قارايتىنىن اتاپ ٶتتٸ.
"تۇرسىنبەكتٸ دە, مٶلدٸردٸ دە قۇرمەتتەيمٸن, سىيلايمىن. ەكەۋٸ دە ٶتە جاقسى ادامدار. شىن جٷرەكتەن بالالارى ٷشٸن باس قوسىپ تۇرسا ەكەن دەپ تٸلەيمٸن", – دەدٸ جازيرا بايىربەكوۆا.
ەنشٸنٸڭ ايتۋىنشا, ولاردىڭ جەكە قارىم-قاتىناسىنان بۇرىن بالالاردىڭ كٶڭٸل-كٷيٸ مەن وتباسىلىق ماڭىزدى سەتتەرٸ الدىڭعى ورىندا بولۋى كەرەك.
