19 aqpanda keshkisin Sarterek jáne Ainabulaq aýyldarynyń turǵyndary "aýrýhanany koronavirýs juqtyrǵan Qytaidan kelgen azamattardy ornalastyrý úshin bosatyp jatyr-mys" degen habardy estip, úreilenip kóshege shyqty.
Densaýlyq saqtaý ministrligi Qazaqstanda bas memlekettik sanitarlyq inspektordyń koronavirýstyq infektsiianyń aldyn alý sharalaryn kúsheitý týraly sheshim shyǵarǵan jetkizdi.
Osyǵan bailanysty meditsinalyq mekemelerde karantin ýaqytynda adamdardy oqshaýlaý úshin arnaiy palatalar daiyndalyp jatyr. Koronavirýstyq infektsiiany juqtyrý óte az tirkelgen, mysaly, Malaiziia, Vetnam, Germaniia, Avstraliia, Amerika Qurama Shtattary, Birikken Arab Ámirlikteri, Kanada, Italiia siiaqty elderden kelgender ózi toqtaǵan eldi-mekeninde 24 kún karantinde bolady. Al indet oshaǵynan, iaǵni Qytaidan kelgender erekshe baqylaýǵa alynyp, olar arnaiy qalalarda oqshaýlanady. Aýrýhanadan bosap shyqqan keiin olar 10 kún boiyna turǵylyqty meken-jaiy boiynsha jergilikti aýrýhana arqyly qashyqtyqtan baqylanady, - deidi ministrliktegiler.
Álemde koronavirýstyq infektsiiadan juqtyrǵan jáne odan qaitys bolǵan adamdardyń sanynyń ósýine bailanysty qazaqstandyqtardyń densaýlyǵy múddesi turǵysynda Qazaqstanda keń aýqymdy tekserý jáne aldyn alý sharalary belgilendi.
"Densaýlyq saqtaý ministrligi osy atalǵan elderden Qazaqstanǵa turaqty turýǵa kelgenderge bastapqyda jergilikti adamdarmen kóp bailanysqa túspeýge ári úi jaǵdaiyndaǵy karantindi saqtaýǵa keńes beredi. Bul sizdiń jáne jaqyndaryńyzdyń múddesi úshin", - delingen habarlamada.
