Osydan birneshe jyl buryn bul jerde jumys istegen tsehtiń jumysy toqtap qalǵan bolatyn. Degenmen taza artezian sýynyń densaýlyqqa paidalylyǵyn eskerip, óńirdegi bailyq kózin aýdan turǵyndary nege paidalanbasqa degen maqsatpen investor tartylyp, zaýyttyń jumysy qaita jandanyp jatyr.
- 80-shi jyldardan beri bul jerden mineraldy sý shyǵady. Biraq turǵyndar jabaiy negizde alyp júrgen. Sosyn bertin shaǵyn tseh ashylyp, jumysyn bastap, keiin toqtap qaldy. Endi myna zaýyt qurylysy bitse, onda 27 mln litr gazdalǵan artezian sýsynyn, 9 mln litr tátti sýsyn alý múmkindigi bar. Turǵyndar taza aýyz sýǵa qol jetkizedi, - deidi Zaisan aýdanynyń ákimi Serik Zainýldin.
Jobaǵa investor 1 mlrd astam qarjy quiǵan. Jańa zaýyt iske qosylǵan soń, densaýlyqqa paidaly tirshilik nárin respýblikanyń túkpir-túkpirine tiimdi baǵamen eksportqa shyǵarmaq niette. Qurylys biyl jyl sońyna deiin aiaqtalady dep josparlanyp otyr.
