وسىدان بىرنەشە جىل بۇرىن بۇل جەردە جۇمىس ىستەگەن سەحتىڭ جۇمىسى توقتاپ قالعان بولاتىن. دەگەنمەن تازا ارتەزيان سۋىنىڭ دەنساۋلىققا پايدالىلىعىن ەسكەرىپ، وڭىردەگى بايلىق كوزىن اۋدان تۇرعىندارى نەگە پايدالانباسقا دەگەن ماقساتپەن ينۆەستور تارتىلىپ، زاۋىتتىڭ جۇمىسى قايتا جاندانىپ جاتىر.
- 80ء-شى جىلداردان بەرى بۇل جەردەن مينەرالدى سۋ شىعادى. ءبىراق تۇرعىندار جابايى نەگىزدە الىپ جۇرگەن. سوسىن بەرتىن شاعىن سەح اشىلىپ، جۇمىسىن باستاپ، كەيىن توقتاپ قالدى. ەندى مىنا زاۋىت قۇرىلىسى بىتسە، وندا 27 ملن ليتر گازدالعان ارتەزيان سۋسىنىن، 9 ملن ليتر ءتاتتى سۋسىن الۋ مۇمكىندىگى بار. تۇرعىندار تازا اۋىز سۋعا قول جەتكىزەدى، - دەيدى زايسان اۋدانىنىڭ اكىمى سەرىك زاينۋلدين.
جوباعا ينۆەستور 1 ملرد استام قارجى قۇيعان. جاڭا زاۋىت ىسكە قوسىلعان سوڭ، دەنساۋلىققا پايدالى تىرشىلىك ءنارىن رەسپۋبليكانىڭ تۇكپىر-تۇكپىرىنە ءتيىمدى باعامەن ەكسپورتقا شىعارماق نيەتتە. قۇرىلىس بيىل جىل سوڭىنا دەيىن اياقتالادى دەپ جوسپارلانىپ وتىر.
