Japoniianyń ońtústik-batysyndaǵy Kiýsiý óńirinde magnitýdasy 7,1 bolatyn jer silkinisi saldarynan 13 adam qaza taýyp, taǵy 31 adam jaraqat aldy. Tabiǵi apattan zardap shekken aýdandarda ǵimarattar men kópirler qiraǵan, dep habarlaidy dalanews.kz.
Kýmamoto prefektýrasynda jer silkinisiniń kúshi 7 balǵa jetken. Elde mundai kúshti jer silkinisi sońǵy ret 2024 jyly Noto túbeginde tirkelgen.
Japoniia premer-ministri Takaichi Sanae Kýmamotodaǵy birneshe jerasty dúmpýi saldarynan 13 adam qaza taýyp, 31 adam zardap shekkenin málimdedi.
Japoniianyń meteorologiia agenttigi turǵyndardy jańa kúshti jer silkinisterine daiyn bolýǵa shaqyrdy.
"Aldaǵy bir apta ishinde, ásirese, jaqyn eki-úsh kúnde seismikalyq qarqyndylyǵy 7 balǵa deiin jetýi múmkin jer silkinisterine daiyn bolýdy usynamyz", - delingen vedomstvo habarlamasynda.
Jer silkinisinen keiin Kýmamoto qalasyna jaqyn ornalasqan Kasima qalasyndaǵy saýda ortalyǵynda jarylys boldy. Saldarynan eki adam qaza tapqan.
Jergilikti politsiianyń málimetinshe, jarylysqa deiin saýda ortalyǵynan shamamen 200 qonaq, qyzmetker jáne basqa da adamdar evakýatsiialanǵan.
