Petropavlda júrgizýshi jol apatyna ushyrap, kóligin tastap ketken. Onyń ishinde mas kúidegi eki jolaýshy qalǵan, dep habarlaidy dalanews.kz.
Er adam qaladan shyǵar kezde politsiianyń toqtaý týraly talabyna baǵynbai, joǵary jyldamdyqpen temirjol ótkeli mańyndaǵy jol qorshaýyna soǵylǵan.
Osydan keiin júrgizýshi kólikten shyǵyp, ketip qalǵan. Sol sátte kóliktiń ishinde eki jolaýshy bolǵan. Olardyń biri ózdiginen shyǵa almai qalǵan. Ony politsiia qyzmetkerleri qutqarǵan.
Osydan keiin birden kólik órtenip ketken.
55 jastaǵy júrgizýshi kóp uzamai ustaldy. Oǵan politsiianyń talabyna baǵynbaý, jol apatyn jasaý jáne oqiǵa ornyn tastap ketý boiynsha ákimshilik hattamalar toltyrylǵan.
