12 mlrd teńge somasyna áleýmettik jobalardy iske asyrý bastaldy. Bul týraly Bas prokýratýra málimdedi, - dep habarlaidy Dalanews.kz.
Biyl qyrkúiekte Memleket basshysy Qazaqstan halqyna Joldaýynda "Zańsyz iemdenilgen aktivterdi memleketke qaitarý týraly" zańnyń sýbektileri áleýmettik-mádeni obektilerdi salýǵa qatysýy qajettigin atap ótti.
"Aktivterdi qaitarý boiynsha júrgizilip jatqan jumystar aiasynda tizilim sýbektilerimen 12 mlrd teńgege áleýmettik jobalardy iske asyrý boiynsha 4 kelisimge qol qoiyldy", - dep jazylǵan Bas prokýratýra habarlamasynda.
Solardyń biri – Almaty qalasynda zamanaýi mádeniet ortalyǵyn salý jobasy. Onyń aýdany úsh myń sharshy metrden asady jáne arnaiy zaldar men ámbebap kórme alańdaryn, bilim berý jáne demalys oryndaryn qamtidy. Obekt iske qosylǵannan keiin jyl saiyn halyqtyń áleýmettik osal toptarynan kelýshilerge tegin repetitsiialar men sheberlik sabaqtary ótkiziledi dep kútilip otyr.
Taǵy bir mysal - Shymkentte muqtaj otbasylardy odan ári qamtamasyz etý úshin memleket menshigine ótetin kópqabatty turǵyn úi qurylysy.
Bas prokýratýra bul baǵyttaǵy jumys jalǵasatynyn habarlady.
Eske salaiyq, buǵan deiin memleketke qaitarylǵan qarajat esebinen Túrkistan jáne Aqmola oblystarynda áleýmettik nysandar salynatyny belgili boldy. Barlyq qarajat áleýmettik paidaly maqsattarǵa odan ári qaita bólý úshin Arnaýly memlekettik qorǵa jiberiledi.
Úkimet Aqmola oblysynyń Zerendi aýylynda quny 2,1 mlrd teńge bolatyn sport keshenin jáne Túrkistan oblysynyń Temirlan aýlynda 890 mln teńge somaǵa mýzyka mektebin salý jónindegi alǵashqy eki áleýmettik jobany iske asyrýǵa Arnaýly memlekettik qordan qarajat bólý týraly sheshim qabyldady.
