Zańsyz qurylys júrgizgenderge aiyppul salyndy
Saparǵali Saldarovtyń aitýynsha, basqarma tarapynan 5 memlekettik qyzmet kórsetiledi. Olar 100% elektrondy formatta.
– Aǵymdaǵy jylǵy III-toqsannyń qorytyndysy boiynsha qurylys salasynda basqarma tarapynan barlyǵy 749 ótinish qabyldanǵan. Onyń ishinde litsenziia boiynsha 270 ótinish tirkelip, 92-i qanaǵattandyryldy. Attestattaý boiynsha 479 ótinish tirkelip, onyń 262-si attestattaldy. Sáýlet, qala qurylysy jáne qurylys salasyndaǵy jobalardy basqarý jónindegi uiymdardy akreditteý boiynsha 1 ótinish túsip, qanaǵattandyryldy, – dedi Saparǵali Baýyrjanuly.
Túrkistan oblysynda aǵymdaǵy jyldyń qańtar-qyrkúiek ailary aralyǵynda 542 nysannyń qurylysy júrgizilýde, onyń ishinde 254-i – biýdjet qarajaty esebinen, 275-i – jeke kásipkerlik qarajaty esebinen, 13-i – investitsiialyq qarjy esebinen salynýda.
Qurylys nysandaryn jobalaý aldyndaǵy izdestirý, jobalaý, qurylys-montajdaý jumystaryn oryndaý barysynda qurylys normativteriniń talaptaryn buzǵany úshin 2-jobalaýshy, 11-merdiger mekemege QR ákimshilik quqyq buzýshylyq týraly Kodeksiniń 312 babymen 100-700 AEK aralyǵynda aiyppul salynǵan. Sondai-aq, 10 tehnikalyq qadaǵalaýshy tulǵaǵa tehnikalyq qadaǵalaý júrgizý quqyǵyna sarapshy attestatynyń qoldanysyn alty ai merzimge toqtata turyp, 180 AEK mólsherinde aiyppul salý arqyly ákimshilik sharalar kórilgen.
