تۇركىستان وبلىستىق مەملەكەتتىك ساۋلەت-قۇرىلىس باقىلاۋى باسقارماسىمەن زاڭ تالاپتارىن ساقتاماي سالىنعان (سالىنىپ جاتقان) بارلىعى – 139 قۇرىلىس نىساندارىنا تەكسەرۋ جۇرگىزىلىپ، ق ر اكىمشىلىك قۇقىق بۇزۋشىلىق تۋرالى كودەكسىنە سايكەس 206 حاتتاما تولتىرىلعان. جالپى سالىنعان 47 892 765 تەڭگە ايىپپۇلدىڭ بۇگىنگى كۇنگە 66 پايىزى ءوندىرىلىپ، 2020 جىلمەن سالىستىرعاندا كورسەتكىش 2،7 ەسە ءوسىپ وتىر. بۇل تۋرالى بريفينگتە 9 ايدا اتقارعان جۇمىستارىن قورىتىندىلاعان باسقارما باسشىسىنىڭ ورىنباسارى ساپارعالي سالداروۆ مالىمدەدى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

ساپارعالي سالداروۆتىڭ ايتۋىنشا، باسقارما تاراپىنان 5 مەملەكەتتىك قىزمەت كورسەتىلەدى. ولار 100% ەلەكتروندى فورماتتا.

– اعىمداعى جىلعى III-توقساننىڭ قورىتىندىسى بويىنشا قۇرىلىس سالاسىندا باسقارما تاراپىنان بارلىعى 749 ءوتىنىش قابىلدانعان. ونىڭ ىشىندە ليسەنزيا بويىنشا 270 ءوتىنىش تىركەلىپ، 92ء-ى قاناعاتتاندىرىلدى. اتتەستاتتاۋ بويىنشا 479 ءوتىنىش تىركەلىپ، ونىڭ 262ء-سى اتتەستاتتالدى.  ساۋلەت، قالا قۇرىلىسى جانە قۇرىلىس سالاسىنداعى جوبالاردى باسقارۋ جونىندەگى ۇيىمداردى اكرەديتتەۋ بويىنشا 1 ءوتىنىش ءتۇسىپ، قاناعاتتاندىرىلدى، – دەدى ساپارعالي باۋىرجان ۇلى.

تۇركىستان وبلىسىندا اعىمداعى جىلدىڭ قاڭتار-قىركۇيەك ايلارى ارالىعىندا 542 نىساننىڭ قۇرىلىسى جۇرگىزىلۋدە، ونىڭ ىشىندە 254ء-ى – بيۋدجەت قاراجاتى ەسەبىنەن، 275ء-ى – جەكە كاسىپكەرلىك قاراجاتى ەسەبىنەن، 13ء-ى – ينۆەستيسيالىق قارجى ەسەبىنەن سالىنۋدا.

قۇرىلىس نىساندارىن جوبالاۋ الدىنداعى iزدەستىرۋ، جوبالاۋ، قۇرىلىس-مونتاجداۋ جۇمىستارىن ورىنداۋ بارىسىندا قۇرىلىس نورماتيۆتەرىنiڭ تالاپتارىن بۇزعانى ءۇشىن 2-جوبالاۋشى، 11-مەردىگەر مەكەمەگە ق ر اكىمشىلىك قۇقىق بۇزۋشىلىق تۋرالى كودەكسىنىڭ 312 بابىمەن 100-700 اەك ارالىعىندا ايىپپۇل سالىنعان. سونداي-اق، 10 تەحنيكالىق قاداعالاۋشى تۇلعاعا تەحنيكالىق قاداعالاۋ جۇرگىزۋ قۇقىعىنا ساراپشى اتتەستاتىنىڭ قولدانىسىن التى اي مەرزىمگە توقتاتا تۇرىپ، 180 اەك مولشەرىندە ايىپپۇل سالۋ ارقىلى اكىمشىلىك شارالار كورىلگەن.