Túrkistan oblysynyń turǵyny zańsyz oıyn bıznesin uıymdastyryp, asa iri mólsherde tabys tapqany úshin kináli dep tanyldy. Ol buryn dál osyndaı qylmys jasaǵany úshin sottalǵan, dep habarlaıdy Dalanews.kz.

Qylmystyq istiń qujattaryna sáıkes ol zańsyz oıyn bıznesin uıymdastyrý nátıjesinde 20 mln teńge kiris alǵan.

Saryaǵash aýdandyq sotynyń úkimimen ol 4 jylǵa bas bostandyǵynan aıyrý jazasyna sottalyp, QK-niń 63-babyn qoldanýmen jazasy shartty dep belgilendi.

Apelásıalyq satyda prokýrordyń ótinishhaty qanaǵattandyrylyp, úkimniń shartty dep eseptelý bóliginiń kúshi joıyldy.

Sot aktisiniń zańdylyǵyn qadaǵalaý tártibimen tekserý nátıjesinde zańsyz kiris retinde alynǵan 20 mln teńge tárkilenbegeni anyqtaldy.

Bas prokýratýranyń kasasıalyq narazylyǵy boıynsha sot aktileri ózgertilip, atalǵan qarajat memleket paıdasyna óndirildi.

Zańsyz oıyn bıznesin uıymdastyrý boıynsha qylmys jasaǵy úshin múlki tárkilenip, 4 jyldan 7 jylǵa deıingi merzimge bas bostandyǵynan aıyrý jazasy kózdelgenin nazarǵa salamyz.