Memleket basshysynyń tapsyrmasymen memleketke zańsyz alynǵan aktivterdi qaitarý baǵytynda aýqymdy jumys júrgizilýde. Bul iske quqyq qorǵaý jáne memlekettik organdar belsendi túrde atsalysyp jatyr.
2023 jyly arnaiy «Memleketke zańsyz alynǵan aktivterdi qaitarý týraly» zań qabyldandy. Onyń erejeleri qyrkúiek aiynan bastap tolyq kúshine endi. Al 5 qazanda Prezident Jarlyǵymen Bas prokýratýra janynan Memleketke aktivterdi qaitarý jónindegi komitet quryldy.
Jańa Zańdy iske asyrý úsh negizgi qurylymǵa júktelgen:
Komissiia (Premer-Ministrdiń basshylyǵymen): qaitarý sharalary men mehanizmderin ázirleidi. Komitet: aktivterdi anyqtap, tekserý jáne qaitarýmen ainalysady. Sonymen qatar, halyqaralyq yntymaqtastyqty júzege asyrady.
Basqarý kompaniiasy: qaitarylǵan aktivterdi saqtap, basqaryp, arnaiy qorǵa qarajat aýdarady.
Qaitarý mehanizmi:
Erikti qaitarý: aktivti óz erkimen memleketke qaitarý nemese elge qajetti jobalardy qarjylandyrý.
Májbúrli qaitarý: zańdylyǵyna kúmán bolǵan jaǵdaida aktiv sot sheshimimen memleketke ótedi.
Nátijeler:
1 trillion teńge kóleminde aktivter qaitaryldy.
228 milliard teńge arnaiy qorǵa aýdaryldy.
87 milliard teńgeden astam aktivter basqarýshy kompaniiaǵa berildi.
Qaitarylǵan aktivter arasynda aqshalai qarajat, elitalyq jyljymaityn múlik, aktsiialar, baǵaly zattar jáne basqa da qundy múlikter bar.
Nurhat ORASh
