مەملەكەت باسشىسىنىڭ تاپسىرماسىمەن مەملەكەتكە زاڭسىز الىنعان اكتيۆتەردى قايتارۋ باعىتىندا اۋقىمدى جۇمىس جۇرگىزىلۋدە. بۇل ىسكە قۇقىق قورعاۋ جانە مەملەكەتتىك ورگاندار بەلسەندى تۇردە اتسالىسىپ جاتىر.

2023 جىلى ارنايى «مەملەكەتكە زاڭسىز الىنعان اكتيۆتەردى قايتارۋ تۋرالى» زاڭ قابىلداندى. ونىڭ ەرەجەلەرى قىركۇيەك ايىنان باستاپ تولىق كۇشىنە ەندى. ال 5 قازاندا پرەزيدەنت جارلىعىمەن باس پروكۋراتۋرا جانىنان مەملەكەتكە اكتيۆتەردى قايتارۋ جونىندەگى كوميتەت قۇرىلدى.

جاڭا زاڭدى ىسكە اسىرۋ ءۇش نەگىزگى قۇرىلىمعا جۇكتەلگەن:

كوميسسيا (پرەمەر-مينيستردىڭ باسشىلىعىمەن): قايتارۋ شارالارى مەن مەحانيزمدەرىن ازىرلەيدى. كوميتەت: اكتيۆتەردى انىقتاپ، تەكسەرۋ جانە قايتارۋمەن اينالىسادى. سونىمەن قاتار، حالىقارالىق ىنتىماقتاستىقتى جۇزەگە اسىرادى.

باسقارۋ كومپانياسى: قايتارىلعان اكتيۆتەردى ساقتاپ، باسقارىپ، ارنايى قورعا قاراجات اۋدارادى.

قايتارۋ مەحانيزمى:

ەرىكتى قايتارۋ: اكتيۆتى ءوز ەركىمەن مەملەكەتكە قايتارۋ نەمەسە ەلگە قاجەتتى جوبالاردى قارجىلاندىرۋ.

 ءماجبۇرلى قايتارۋ: زاڭدىلىعىنا كۇمان بولعان جاعدايدا اكتيۆ سوت شەشىمىمەن مەملەكەتكە وتەدى.

ناتيجەلەر:

1 تريلليون تەڭگە كولەمىندە اكتيۆتەر قايتارىلدى.

228 ميلليارد تەڭگە ارنايى قورعا اۋدارىلدى.

87 ميلليارد تەڭگەدەن استام اكتيۆتەر باسقارۋشى كومپانياعا بەرىلدى.

قايتارىلعان اكتيۆتەر اراسىندا اقشالاي قاراجات، ەليتالىق جىلجىمايتىن مۇلىك، اكسيالار، باعالى زاتتار جانە باسقا دا قۇندى مۇلىكتەر بار.

نۇرحات وراش