Aidos Edigeulynyń sózinshe, 2022 jyly jergilikti sottarmen qylmystyq 2116 is qaralǵan. Bul kórsetkish 2021 jylmen salystyrǵanda 4,7% kemigen. 1509 qylmystyq ister úkim shyǵarýmen aiaqtalǵan, 34 aqtaý úkimi qabyldanǵan, 397 is qysqartylǵan, 99 qylmystyq is mediatsiia arqyly aiaqtalǵan.
Sondai-aq, mal urlyǵy boiynsha óńirimizde 2022 jyly 60 is qaralyp, aiaqtalǵan.
Al 2021 jyly 82 is tirkelgen. Iaǵni mal urlyǵy 20%-ǵa azaiǵan. Onyń bir sebebi, zańǵa ózgerister engizilip, mal urlyǵy boiynsha, jábirlenýshi sottalýshyǵa keshirim bergen jaǵdaida da bas bostandyǵynan aiyrý jazasy kózdeledi. Iaǵni, zańnyń qataldyǵy qylmystyń azaiýyna sep bolǵan.
Brifing barysynda Túrkistan oblystyq sotynyń ákimshilik isteri jónindegi sot alqasynyń tóraǵasy Gúlmira Egemberdieva ákimshilik ister boiynsha sot tóreliginde júzege asyrylǵan jumystarǵa toqtaldy.
– Ákimshilik protsessýaldyq kodeks 1,5 jyldan beri jumys istep jatyr. Alaida sheshilmegen máseleler áli de bar. Bul jumys 2021 jyldyń shilde aiynan bastalǵandyqtan aldyńǵy jyldyń sáikes kezeńimen salystyrǵan taldaý júrgizilmedi. 2022 jyldyń qorytyndysyn aitatyn bolsaq, jalpy 1541 talap-aryz tústi. Onyń 776-y keri qaitaryldy. Al 318-ne sheshim jariialanyp, onyń ishinde 163 istiń talaby qanaǵattandyryldy. Mediatsiia jáne bitimgershilik kelisimderin bekitý arqyly 192 is aiaqtaldy. Al tańdalǵan kezeńde aýdandyq jáne oǵan teńestirilgen sottarmen jalpy 98 aqshalai óndirý, iaǵni jalpy 5 640 280 somaǵa aiyppul salynyp, onyń ishinde 4 721 380 teńgesi óndirildi, – dedi Gúlmira Niiazbekqyzy.
Al Túrkistan oblystyq sotynyń azamattyq isteri jónindegi sot alqasynyń tóraǵasy Nurlan Bibolov azamattyq ister boiynsha 2493 is tatýlastyrý rásimderin qoldanýmen aiaqtalǵanyn aitty. Iaǵni 2021 jylmen salystyrǵanda 908 iske kóbeigen. Onyń ishinde mediatsiia tártibimen kelisim jasaý arqyly 221, tatýlasý kelisimin jasaýmen 241, partisipativtik kelisim jasaýmen 34 is aiaqtalǵan.
Sondai-aq, Nurlan Zulpyharuly aryz, talaptardy qaraý kezinde sapaǵa basa kóńil bóletinin jetkizdi. Bul rette sot aktileriniń sapasy 2021 jylmen salystyrǵanda 0,5%-ǵa jaqsarǵan.
Aiaqtalǵan daýlardyń kóbi - neke jáne otbasy, sondai-aq, sharttyq qatynastardan týyndaǵan daýlar. Odan bólek, memlekettik satyp alý men múlikke menshiktik quqyǵymen bailanysty daýlar da bar. Zańdyq mańyzy bar faktilerdi anyqtaýmen jáne turǵyn úige menshik quqyǵymen bailanysty daýlar da kóp aiaqtalǵan daý sanattaryna kiredi.
