ايدوس ەدىگە ۇلىنىڭ سوزىنشە، 2022 جىلى جەرگىلىكتى سوتتارمەن قىلمىستىق 2116 ءىس قارالعان. بۇل كورسەتكىش 2021 جىلمەن سالىستىرعاندا 4،7% كەمىگەن. 1509 قىلمىستىق ىستەر ۇكىم شىعارۋمەن اياقتالعان، 34 اقتاۋ ۇكىمى قابىلدانعان، 397 ءىس قىسقارتىلعان، 99 قىلمىستىق ءىس مەدياسيا ارقىلى اياقتالعان.
سونداي-اق، مال ۇرلىعى بويىنشا وڭىرىمىزدە 2022 جىلى 60 ءىس قارالىپ، اياقتالعان.
ال 2021 جىلى 82 ءىس تىركەلگەن. ياعني مال ۇرلىعى 20%-عا ازايعان. ونىڭ ءبىر سەبەبى، زاڭعا وزگەرىستەر ەنگىزىلىپ، مال ۇرلىعى بويىنشا، جابىرلەنۋشى سوتتالۋشىعا كەشىرىم بەرگەن جاعدايدا دا باس بوستاندىعىنان ايىرۋ جازاسى كوزدەلەدى. ياعني، زاڭنىڭ قاتالدىعى قىلمىستىڭ ازايۋىنا سەپ بولعان.
بريفينگ بارىسىندا تۇركىستان وبلىستىق سوتىنىڭ اكىمشىلىك ىستەرى جونىندەگى سوت القاسىنىڭ ءتوراعاسى گۇلميرا ەگەمبەردييەۆا اكىمشىلىك ىستەر بويىنشا سوت تورەلىگىندە جۇزەگە اسىرىلعان جۇمىستارعا توقتالدى.
– اكىمشىلىك پروسەسسۋالدىق كودەكس 1،5 جىلدان بەرى جۇمىس ىستەپ جاتىر. الايدا شەشىلمەگەن ماسەلەلەر ءالى دە بار. بۇل جۇمىس 2021 جىلدىڭ شىلدە ايىنان باستالعاندىقتان الدىڭعى جىلدىڭ سايكەس كەزەڭىمەن سالىستىرعان تالداۋ جۇرگىزىلمەدى. 2022 جىلدىڭ قورىتىندىسىن ايتاتىن بولساق، جالپى 1541 تالاپ-ارىز ءتۇستى. ونىڭ 776-ى كەرى قايتارىلدى. ال 318-نە شەشىم جاريالانىپ، ونىڭ ىشىندە 163 ءىستىڭ تالابى قاناعاتتاندىرىلدى. مەدياسيا جانە بىتىمگەرشىلىك كەلىسىمدەرىن بەكىتۋ ارقىلى 192 ءىس اياقتالدى. ال تاڭدالعان كەزەڭدە اۋداندىق جانە وعان تەڭەستىرىلگەن سوتتارمەن جالپى 98 اقشالاي ءوندىرۋ، ياعني جالپى 5 640 280 سوماعا ايىپپۇل سالىنىپ، ونىڭ ىشىندە 4 721 380 تەڭگەسى ءوندىرىلدى، – دەدى گۇلميرا نيازبەك قىزى.
ال تۇركىستان وبلىستىق سوتىنىڭ ازاماتتىق ىستەرى جونىندەگى سوت القاسىنىڭ ءتوراعاسى نۇرلان بيبولوۆ ازاماتتىق ىستەر بويىنشا 2493 ءىس تاتۋلاستىرۋ راسىمدەرىن قولدانۋمەن اياقتالعانىن ايتتى. ياعني 2021 جىلمەن سالىستىرعاندا 908 ىسكە كوبەيگەن. ونىڭ ىشىندە مەدياسيا تارتىبىمەن كەلىسىم جاساۋ ارقىلى 221، تاتۋلاسۋ كەلىسىمىن جاساۋمەن 241، پارتيسيپاتيۆتىك كەلىسىم جاساۋمەن 34 ءىس اياقتالعان.
سونداي-اق، نۇرلان زۇلپىحار ۇلى ارىز، تالاپتاردى قاراۋ كەزىندە ساپاعا باسا كوڭىل بولەتىنىن جەتكىزدى. بۇل رەتتە سوت اكتىلەرىنىڭ ساپاسى 2021 جىلمەن سالىستىرعاندا 0،5%-عا جاقسارعان.
اياقتالعان داۋلاردىڭ كوبى - نەكە جانە وتباسى، سونداي-اق، شارتتىق قاتىناستاردان تۋىنداعان داۋلار. ودان بولەك، مەملەكەتتىك ساتىپ الۋ مەن مۇلىككە مەنشىكتىك قۇقىعىمەن بايلانىستى داۋلار دا بار. زاڭدىق ماڭىزى بار فاكتىلەردى انىقتاۋمەن جانە تۇرعىن ۇيگە مەنشىك قۇقىعىمەن بايلانىستى داۋلار دا كوپ اياقتالعان داۋ ساناتتارىنا كىرەدى.
