Qazgidromet aldaǵy kúnderi aýa raiy qubylmaly bolatynyn eskertti, dep habarlaidy dalanews.kz.
Sinoptikterdiń boljamynsha, 4-6 maýsym aralyǵynda Qazaqstannyń basym bóligine tsiklon áser etedi. Sonyń saldarynan jańbyr jaýyp, naizaǵai oinap, jel kúsheiedi. Keibir óńirlerde burshaq jaýyp, daýyl soǵýy múmkin.
4 maýsymda batysta, 4-5 maýsymda soltústik-batys pen soltústikte, al 6 maýsymda ońtústik-shyǵysta nóser jaýyn jaýady. Tek elimizdiń shyǵysy men ońtústiginde jaýyn-shashynsyz aýa raiy saqtalady.
Kúndiz batys, soltústik-batys jáne soltústik aimaqtarda aýa temperatýrasy +22...+30 gradýsqa deiin jetedi. Soltústik-shyǵys pen shyǵysta da aýa temperatýrasy +30...+37 gradýsqa deiin kóteriledi. Al ońtústik-shyǵys óńirlerde +25...+33 gradýs shamasynda bolady.
