Qazaqstanda jańa Konstitýtsiia talaptaryna sáikes taǵy 18 zańǵa túzetýler ázirlenip jatyr. Bul týraly Úkimet otyrysynda premer-ministrdiń orynbasary - mádeniet jáne aqparat ministri Aida Balaeva málimdedi, dep habarlaidy dalanews.kz.
Onyń aitýynsha, Konstitýtsiiada aiqyndalǵan ádildik, zań ústemdigi, adam quqyǵyn qurmetteý, ulttyq biregeilik pen qoǵamdyq jaýapkershilik qaǵidattary eldiń qazirgi damýy men bolashaq urpaq úshin negizgi qundylyqtarǵa ainalǵan.
Ministr jańa Konstitýtsiiada alǵash ret ulttyq mádeni murany saqtaý jáne damytý memlekettiń tikelei mindeti retinde bekitilgenin atap ótti. Onyń sózinshe, bul mádeniettiń qoǵamnyń birligi men eldiń uzaq merzimdi damýy úshin strategiialyq mańyzǵa ie ekenin kórsetedi.
Sondai-aq, Konstitýtsiia normalaryn tolyq iske asyrý úshin taǵy 18 zańǵa ózgerister engizý jumystary júrgizilip jatyr.
Túzetýler sóz bostandyǵy, aqparat taratý, dini uiymdardyń qyzmeti, beibit jiyndar ótkizý, volonterlik qyzmetti qoldaý, qaiyrymdylyq, mádeniet, kinematografiia jáne Konstitýtsiiadan týyndaityn ózge de quqyqtyq normalardy qamtidy.
