Shymkent qalasynyń turǵyny Baitursynov kóshesine jýyrda ǵana tóselgen jańa asfalttyń qubyr jóndeý jumystary úshin qaita qazylǵanyn aityp, narazylyq bildirdi, dep habarlaidy dalanews.kz.
Onyń sózinshe, jóndeý jumystary Baitursynov kóshesi men Tóle bi kóshesiniń qiylysynda júrgizilip jatyr. Qazirgi ýaqytta joldyń bir bóligi qazylyp, jumysshylar jylý nemese sý qubyrlaryn jóndeýge kirisken.
"Jýyrda ǵana osy kóshege tegis, jańa asfalt tóselgen edi. Endi ony qaitadan qazyp tastady. Bul – bizdiń tóleitin salyǵymyzdan jumsalatyn qarajat. Jańa joldy osylai búldirgeni úshin kim jaýap beredi?", – deidi turǵyn.
Ol qubyr jelilerin asfalt tóselmei turyp jańartý kerek bolǵanyn atap ótti. Sondai-aq qazylǵan jer qaita jabylǵanymen, ýaqyt óte kele joldyń shógip, shuńqyr paida bolý qaýpi bar ekenin aitty.
"Aldymen eski qubyrlardy aýystyryp, barlyq jumysty tolyq aiaqtap, sodan keiin ǵana asfalt tóseýge bolmai ma edi? Endi bul jer qaitadan shógip, jolda shuńqyrlar paida bolady", - dedi qala turǵyny.
