شىمكەنت قالاسىنىڭ تۇرعىنى بايتۇرسىنوۆ كٶشەسٸنە جۋىردا عانا تٶسەلگەن جاڭا اسفالتتىڭ قۇبىر جٶندەۋ جۇمىستارى ٷشٸن قايتا قازىلعانىن ايتىپ, نارازىلىق بٸلدٸردٸ, دەپ حابارلايدى dalanews.kz.
ونىڭ سٶزٸنشە, جٶندەۋ جۇمىستارى بايتۇرسىنوۆ كٶشەسٸ مەن تٶلە بي كٶشەسٸنٸڭ قيىلىسىندا جٷرگٸزٸلٸپ جاتىر. قازٸرگٸ ۋاقىتتا جولدىڭ بٸر بٶلٸگٸ قازىلىپ, جۇمىسشىلار جىلۋ نەمەسە سۋ قۇبىرلارىن جٶندەۋگە كٸرٸسكەن.
"جۋىردا عانا وسى كٶشەگە تەگٸس, جاڭا اسفالت تٶسەلگەن ەدٸ. ەندٸ ونى قايتادان قازىپ تاستادى. بۇل – بٸزدٸڭ تٶلەيتٸن سالىعىمىزدان جۇمسالاتىن قاراجات. جاڭا جولدى وسىلاي بٷلدٸرگەنٸ ٷشٸن كٸم جاۋاپ بەرەدٸ?", – دەيدٸ تۇرعىن.
ول قۇبىر جەلٸلەرٸن اسفالت تٶسەلمەي تۇرىپ جاڭارتۋ كەرەك بولعانىن اتاپ ٶتتٸ. سونداي-اق قازىلعان جەر قايتا جابىلعانىمەن, ۋاقىت ٶتە كەلە جولدىڭ شٶگٸپ, شۇڭقىر پايدا بولۋ قاۋپٸ بار ەكەنٸن ايتتى.
"الدىمەن ەسكٸ قۇبىرلاردى اۋىستىرىپ, بارلىق جۇمىستى تولىق اياقتاپ, سودان كەيٸن عانا اسفالت تٶسەۋگە بولماي ما ەدٸ? ەندٸ بۇل جەر قايتادان شٶگٸپ, جولدا شۇڭقىرلار پايدا بولادى", - دەدٸ قالا تۇرعىنى.
