Astanadaǵy №73 mektep-lıseıinde «Zań men tártip» qaǵıdaty aıasynda 10-11 synyp oqýshylaryna arnalǵan leksıa uıymdastyryldy. İs-shara jastardyń quqyqtyq jáne sıfrlyq saýattylyǵyn arttyrýǵa baǵyttalǵan, dep habarlaıdy Dalanews.kz.

İs-sharaǵa 170 oqýshy qatysty. Leksıa «Zań men tártip» bastamasy aıasynda ótip, qazirgi sıfrlyq qaýipsizdiktiń ózekti máselelerine arnaldy.

Oqýshylarǵa «dropper» kim ekeni, dıpfeıkterdiń máni jáne sıfrlyq ortadaǵy jańa qaýipter týraly túsindirildi.

Lektorlar alaıaqtardyń adamdardy zańsyz shemalarǵa qalaı tartatynyn egjeı-tegjeıli baıandap, qarjylyq operasıalardy júrgizý úshin «droptardy» qalaı paıdalanatynyn túsindirdi.

Oqýshylardyń erekshe qyzyǵýshylyǵyn dıpfeık taqyryby týdyrdy. Bul tehnologıalar jalǵan vıdeo jáne aýdıomaterıaldar jasap, olardy manıpýlásıa jáne alaıaqtyq maqsatta qoldanýǵa múmkindik beredi.

Spıkerler sondaı-aq mundaı áreketterge qatysýdyń táýekelderi, quqyqtyq saldary jáne jaýapkershilik sharalary týraly eske saldy. Oqýshylarǵa qaýipterdi taný jáne ınternette qaýipsiz áreket etý boıynsha praktıkalyq usynystar berildi.

Mundaı is-sharalar jastardyń sıfrlyq keńistiktegi jaýapkershiligin qalyptastyryp, quqyqtyq mádenıetin arttyrýǵa jáne olardy quqyqbuzýshylyqqa tartýdyń aldyn alýǵa yqpal etedi.

Uıymdastyrýshylar oqýshylardyń asa qyzyǵýshylyq tanytqanyn atap ótip, osyndaı bilim berý bastamalaryn jalǵastyrýdyń mańyzdylyǵyn jetkizdi.